Mateo 13:41 - KILOMBENO KIHYA KIA NFUMWETU YESU KIDISITU

⁴¹ Mwan’a Muntu akatumu bamwikeilu be, n’abo abakalamuna bintu bioso mu Bufumu bwe abikokosha, n’abo abakitshi bubi;

Mateo 13:41 Referans Kwoze

Mateo 24:31

Biabia akatumu bamwikeilu be n’eyi dikata dia mpungi, abakakongola basangulwe ku mpese yinanka ya luhahi, ku nsongo yimune yēilu mpaa na ku yingi nsongo.

Kibafumulwe 21:27

Tamukatwele kia kushula, sunga mpahelahela, sunga yawa akitshi ya butete, sunga madimi, ooo; anka’ba bafundjibwe mu mukanda wa muwa wa Mwan’a-Mukoko.

Mateo 18:7

Mpombo kwi bahanohansenga, ha mwanda wa biakukokosha! Mwanda biakukokosha tabikakutwa kufika; anka mpombo kwi yawa akebifwisha.

Bena Bahebelu 1:14

Abo boso tambikudi bia mulubo, babatuminwe kufubilā’ba abakekala bampianyi ba kihandjilo su?

Bena Loma 2:16

mwifuku di’Efile-Mukulu diakatshibila myanda yifibwe ya bantu kwi Kidisitu anka mulombene mukāndu-wibuwa wande.

Mateo 13:49

Anka biabia abikekala kunfudilo kwa hanohansenga; bamwikeilu abakatuku, abakalamuna bebubi be munkatshi mwa balulame;

Mako 13:27

Henyihaha E akatumu bamwikeilu be, akakongo basangudibwe be ba ku mpese yoso yinanka ya luhahi, na ku kunfudilo kwa nsenga, mpaa na kunfudilo kw’eilu.

Mateo 8:20

Yesu bamwalulw’ile’shi, miseo yi na mena’yo, tonyi tw’eilu twi na maswa; anka Mwan’a muntu te na hakusamina mutwe (we).

Mateo 3:12

Kihehwilo kie ki mwiasa die, akatosha selelee ha mutāla he, akaumbula misekye ye mu mutala, anka akashikye mpaha mu kālo kashyakashimibwa.