Mateo 13:23 - KILOMBENO KIHYA KIA NFUMWETU YESU KIDISITU

²³ Anka e batambwile mbio mu nsenga yibuwa, nyi e ahusha Mwanda, na kwiushingula, a aha bikuba namu, atusha yingi bu lukama, yingi bu makumi asamombo, yingi bu makumi asatu.

Mateo 13:23 Referans Kwoze

Bena Fidihai 1:11

Na kuushibwa na bikuba bia kululama bi kwi Yesu Kidisitu, bia ku ntumbo na ku lulangwilo lw’Efile Mukulu.

Yoano 15:16

Anwe tanwibansangule’mi, anka’mi benusangwile, benutulu’shi nwende, nufishe bikuba, na bikuba bienu abikekala: eshi bioso bianukatekye Yaiya mwishina diande, akenuha’ bio.

Mateo 12:33

Lumbulusha mutshi wibuwa, na bikuba biao bibuwa, sunga lwisha mutshi na bikuba biao namu; mwanda mutshi aushingulwa ku bikuba bie.

Mateo 13:8

Anka yingi yibahonene ha nsenga yibuwa; yibahele bikuba, yingi ha lukama, yingi ha makumi asamombo, yingi namu ha makumi asatu.

Bena Kolose 1:6

ubafikile kwanudi anka mwaubafikīle kosokoso hanohansenga, na kuha bikuba abienda abifwimanga, anka mulombene mwanudi’nwe, mpaa na ha dinyi efuku dianubahushishe’o, na kushingula biya bu-muntu bw’Efile Mukulu mu biabinyibinyi.

Mateo 3:8

Nuhe bikuba abihwandjikila kwalula kwishimba.

Luka 13:9

Biabia su ngwa kuha bikuba (biabia bibuwa), su mbisumanga okeushinde hashi.

I Yoano 5:20

Atwiuku namu’shi. Mwan’Efile Mukulu bafikile, betuhele kishingulwilo’shi, twiukye yawa sha binyibinyi, n’atwe twi mwandie nyi a binyibinyi, munda mwa Mwan’e Yesu Kidisitu. E nyi Efile Mukulu a binyibinyi na muwa wa ikala-ika.

Ii Petelo 3:18

Anka nukule mu bu-muntu na mu kiukilo kia Nfumwetu Muhashi Yesu Kidisitu. Kwadie (kwikale) ntumbo, binobino mpaa na kwikalaika. Amena.

Bena Kolose 1:10

na kutambuka muhwandjikile Nfumwetu mpaa na kusehela koso kw’eshimba, bianudia kuha bikuba bia mu mifubo yoso yilumbulukye, na kwenda akukulanga mpaa na ku kushingula koso kw’Efile Mukulu;

Bena Bahebelu 8:10

Mwanda kino nyi nkilombeno kiankalombana na ba ku nshibo ya Isalele ha kukila aa mafuku; nyi mubākwidile Yehowa: Nankatulu bishila biande mu binangu biabo, na kwibifunda mu mashimb’abo; n’ami nankebekēla bw’Efile Mukulu abo, abo namu banakekale kwandji bu bantu bande.

Bena Bahebelu 4:2

Mwanda kwatudi’twe kubalungwilwe mukāndu-wibuwa, anka hamunenka namu kwi’bo; anka winyi mwanda ubalungwilwe, ubakutshilwe kwibambwesha kintu, (mwanda) taubadi usangakane na lukuluhilo mwabadi bahushishe.

Ii Bena Tesalonika 2:10

na budimbanyi boso bwa bukonyame bwi mwi’ba abakalwishibwa, mwanda tambatambule kifulo kia biabinyibinyi’shi, bahande, ooo.

I Bena Tesalonika 4:1

Kunfudilo anwe bakwetu, atwinusendela, na kwinulanga mwi Nfumwetu Yesu’shi, mwanubatambwile kwatudi mwaudi uhwandjikile’nwe kutambuka, na kusehesh’eshimba di’Efile Mukulu, nyi anka mwanudia kukishakisha.

Bena Fidihai 4:17

Tamwanda wa kwamba’shi, nankyebe buntu, ooo; anka nankyebe kikuba kikenufwimishe ha mwanda wenu.

Ii Bena Kodinda 9:10

Yawa aheya muminyi mbio na biashi bia kudia akenuha, na kufwimisha mbio yenu yikunwe, na kufwimisha bikuba bia kululama kwenu.

Bikitshino 17:11

Bano abadi bakile Bena Tesalonika buneme, mwanda abatambwile Mwanda w’Efile na lwimeno lwa binangu, abakimbile Bifundwe bi’Efile kwifuku kwifuku’shi: ayi myanda ngia binyibinyi su?

Bikitshino 16:14

Kubadi mwana mukashi, eshina die mbu Ledea, muha nyisha a bimongolokye, badi a ku kibalo kia Taiyataila, badi alangwile Efile Mukulu, e betuhushishe; die eshimba Nufmwetu bedishitwile, e batudile eshimba ku myanda yibākwilwe kwi Paulu.

Yoano 8:47

Awa’Efile Mukulu ahushā misambo y’Efile Mukulu; biabia’nwe tanuhusha, mwanda tanwi b’Efile Mukulu.

Luka 8:15

Ank’aya ya mu nsenga yibuwa, mbaba abahusha Mwanda, abeulama mwishimba dia binyibinyi dibuwa, abaha bikuba na kwishinka.

Mako 10:15

Mbinyibinyi nenwamba’shi: Awa shī akumina bufumu bw’Efile Mukulu hamune bu mwana uhela, ta katwele mwanka, sunga mpahelahela.

Mako 4:20

Aba namu nyi benyi abaminwe ha nsenga yilumbulukye, nyi benyi abahusha winyi mwanda, na kwiutambula na kuha bikuba, au makumi asatu, au makumi asamombo, mungi namu lukama.

Mateo 3:10

Binobino kabengyele kabatudibwa ku mashina a mitshi, biabia mutshi woso aushyauha bikuba, aukatshibībwa, welwe mu kālo.

Bena Bahebelu 6:7

Mwanda nsenga ayiminā mpeshi anokā hanka misusa na misusa, ayimeneshā kimwaa kwi’ba abeyidimine, ngibungile mwabi kw’Efile Mukulu;

Luka 8:8

Yingi yibahone ha nsenga yibuwa, yibamene, yibahele bikuba bu ku lukama. Habahwile kwakula yino myanda, banyishish’eyi’shi: E na matwi a kuhusha ahushe.