Mateo 13:22 - KILOMBENO KIHYA KIA NFUMWETU YESU KIDISITU

²² E namu batambwile mbio munkatshi mwa milobo, nyi e bahushishe Mwanda, anka binyengo bia hanohansenga, na kōngolwa kwa mono, akwinyengyela Mwanda, n’e akutshikwa kuha bikuba.

Mateo 13:22 Referans Kwoze

I Temote 6:17

Okayikile baba bampeta ba hanohansenga’shi: Tanwikalanga n’eshimba dia kwinemeka, sunga nkukuluhila mbuheta bushī bwa kukuluhilwa, anka mw’Efile Mukulu atala, etuheya bintu bioso bi bungi bukilekile bia kusehela n’abio’shi,

Luka 8:14

Aya namu yibahone munkatshi mwa milobo, mbaba abahushishe, benda, abafinwa na bia kwinyenga na bia buheta, na bia muloo bia (uno) muwa, tambahe bikuba bikumbane.

Luka 12:15

Biabia e bebālulwile’shi: Dimukai, nwilame ku malaka: mwanda muwa wa muntu tawi mu bungi bwa bintu biadi n’abio, ooo.

Ii Temote 4:10

mwanda Demase, habatomo bia hanohansenga kifulo, bambomboka, bende ku Tesalonika. Kelesense (namu) nkwenda ku Ngalatea, Tetuse (namu) ku Ndalamatea.

Mateo 13:7

Yingi namu yibahonene munkatshi mwa milobo, milobo yibatamine yibeinyengyela.

Luka 12:21

Anka biabia yawa ēbikila bie bineme, shī na buheta namu kw’Efile Mukulu e anka biabia.

Luka 21:34

Nudimukei anwe bana bene kutshina’shi: tala mashimb’enu akanemenwa na bidiafi na kukolwakolwa, kukalakashwa kwa uno muwa, biabia adi’efuku adikenuhulumukila.

Bikitshino 8:18

Biabia Shimona habamwene’shi, mu kutenteka kwa maasa kwa batumibwa Kikudi-E-Selelee bahebwa, bebatambikile nfalanga’shi:

Mateo 12:32

Muntu oso namu akesambila mwan’a muntu bibi aukamulekyelwa, anka muntu oso akesambila Kikudi-E-Selelee bibi, taukamulekyelwa, sunga mu kihindji kino, sunga kihindji akikafiki, ooo.

Mateo 13:39

Winyi a mushikwa beiminyine nyi Satana; kūmbula nyi kunfudilo kwa hanohansenga; abakūmbula nyi bamwikeilu.

Mateo 13:40

Anka bibakongwelwe nkonongo na kushika kālo, anka biabia aukekala ku kunfudilo kwa hanohansenga.

Bena Loma 12:2

Ta nwikalanga kuhwandjikishwa na bahanohansenga; anka nwikale bālulukye ha kwisambula binangu bienu’shi, nutompe akikyeb’eshimba di’Efile-Mukulu, nyi kilumbulukye, kilubilwe, na bushima bwinyi.

I Bena Kodinda 1:20

A sha binangu e kwi kunyi? Mufundji (namu) e kwi kunyi? Muhakanyi a bahanohansenga e kwi kunyi? Efile Mukulu tamwalule binangu bia bahanohansenga, tambulotakane su?

I Bena Kodinda 2:6

Sunga mbiabia, atwakulā binangu munkatshi mwa baba ba tabahwile kukula, anka tambinangu bia bahanohansenga, sunga mbwa bamunyi ba bahanohansenga abakekashwa bu ba bisumanga;

I Bena Kodinda 2:8

Bishī biukibwe kwi bamunyi ba bahanohansenga, sunga ngumune; mwanda su abadi beukye (bianka,) biabia tababadia kubamba Nfumwetu a ntumbo ha nkulusu.

I Bena Kodinda 3:18

Muntu tedimbange e na mwinyi. Su muntu a munkatshi mwenu anangushena’shi: Nyi na binangu bia hanohansenga, alulukye bu mulotakane, biabia ekale sha binangu.

Ii Bena Kodinda 4:4

mwabadi efile-a-bahanohansenga bēle mufito ku binangu bia’ba bashī bakumine, tala etata dia mukāndu-wibuwa wa ntumbo ya Kidisitu, E nyi nkyebukilo y’Efile Mukulu, diakebamunyika.

Bena Ngalatea 1:4

winyi behene e na mwinyi ha mwanda wa milwisho yetu mwadia kwitumañunwīna ku ba hanohansenga bebubi, muyile eshimba di’Efile Mukulu Nshyetu:

Bena Efisesa 2:2

nyi mwanubatambukilanga kwibedi, bu amuyilā bahanohansenga, muyile mutontshi sha matalwa a luwa, kinyi kikudi akifubā mu bana bashībakokyele;