Mateo 13:19 - KILOMBENO KIHYA KIA NFUMWETU YESU KIDISITU

¹⁹ Ahahusha muntu mwanda wa bufumu, e tamwiuuke wibuwa, binyibiabia winyi mubi afiki, aunyengye’kio kibakunyinwe mwishimba die; Uno nyi winyi batambwile mbio ku bukunkula kwishinda.

Mateo 13:19 Referans Kwoze

Mateo 13:38

Dinyi efuba nyi bahanohansenga; mbio yibuwa yi bana ba Bufumu, anka nkonongo nyi bana ba wawa mubi;

Bena Bahebelu 2:1

Binyibiabia tubadia kunyingila bikata kutee mashimba ku yinyi myanda yatubahushishe, tala twakayīsha kihindji yakakila.

I Yoano 5:18

Atwiuku’shi, muntu ese mutandjibwe kw’Efile Mukulu tasolā myanda, anka yawa mutandiibwe n’Efile Mukulu elama e na mwinyi, na yawa mubi tamukumu, ooo.

Mateo 4:23

Yesu batambukile luhese lwoso lwa Ngadilea, balambukishe mu bitumbwilo biabo, balungwile mukāndu wibuwa wa bufumu bwa mwiilu, bahashishe bihaso bioso bia masungu, na kubofula koso kwa mbidi kwa bantu.

I Yoano 3:12

Tatwikalanga bu Kana badi ā’wa mubi, bayihayile mukwabo, ooo. A bamwihayile ha mwanda kinyi? Mwanda bikitshino bie na mwinyi bibadi bibubi, a kunyi bia mukwabo nyi bibadi bilulame.

Bena Loma 1:28

Biabahele Efile-Mukulu kwikala mu kiyukilo kiaho, Efile-Mukulu namu bebahene kwishimba dia mpuha, dia kukita’nka’yo myanda yishi yilombane mwanka;

Ii Bena Tesalonika 2:12

eshi, bakahishibwe boso bashī bakuminyine biabinyibinyi, biosobi babadi na kusehela na bia bukonyame.

Bena Loma 14:17

Mwanda bunfumu bw’Efile-Mukulu ta bwi mu biakudia na mu biakutoma, ooo, anka mu kululama, na kufukama, na tuseho mu Kikudi-E-Selelee.

Bena Loma 2:8

Anka kwi baba abelā mpaka, n’abakoloma ku biabinyibinyi, anita abakokyela yishiyilulame abakamono nsungu na bukyelo.

Bikitshino 28:23

Binyibiabia habamusangwidile efuku, kubafikile bebungi kwadi, e bebahatulwidile na kwibalungula bu kamonyi ka bufumu bw’Efile Mukulu, na kwibakonkwela ha mwanda wa Yesu, ku namashika, mpaa na ku kiolwa, mu mukanda-wa-bishila bia Mosesa na mu a Batemuki.

Bikitshino 20:25

Talangai binobino, neuku’shi, anwe boso banatwelanga munkatshi mwenu kwinulungula wa bufumu bw’Efile Mukulu, tanukamono mpala yande dimonyi, ooo.

Bikitshino 18:15

anka su nyi lwihusho lwa bishima, na lwa mashina, sunga lwa mukanda-wabishila wenu, kataleī’yo anwe bana bene; mwanda bu nsushi ya yino myanda tankyebe kwikala.

Bikitshino 17:32

Biabia, habahushishe wa lusangukilo lwa ku lufu, bangi abasehele tuseho twesēngo, bangi namu abakwile’shi: Atukakuhusha dimonyi ha uno mwanda.

Yoano 18:38

Pilato bamulungwile’shi: Bia binyibinyi nkinyi? Biabia habakwile wawa mwanda, batukile dimo, ’ende kwi Bena Yudea, akebalungula’shi: Nkimumumone na mwanda (sunga ngumune).

Yoano 8:43

A nkinyi kianushibeukye mwanakwila? mwanda tanwibeukye mwa kuhushisha mwanda wande.

Luka 10:9

Nuhwishe basha masungu be mwanka, nwibalungule’shi: Bufumu bw’Efile Mukulu bubafiki hehi n’enu.

Luka 9:2

Bebatumine kulungula bufumu bw’Efile Mukulu, na kuhwisha basha masungu.

Mako 4:15

Aba nyi benyi be ku bukunkula kwishinda, nyi habadi baminwe awa mwanda; anka baba habahu kuhusha, Satana, kahindji na kano afiki kumañuna mwanda uminwe ’mashimba’bo.

Mateo 5:37

Anka misambo yenu yikala’nka’shi, uolo, uolo, ayoyo, ayoyo; yoso ayikidi yaya, ayifiki ku bubi.

I Yoano 5:20

Atwiuku namu’shi. Mwan’Efile Mukulu bafikile, betuhele kishingulwilo’shi, twiukye yawa sha binyibinyi, n’atwe twi mwandie nyi a binyibinyi, munda mwa Mwan’e Yesu Kidisitu. E nyi Efile Mukulu a binyibinyi na muwa wa ikala-ika.

Bena Efisesa 3:8

Kwandji’mi mukilekile buhela a mu balamunwebakishila boso, nyi kubahebwa buno bu-muntu’shi, alungule munkatshi mwa Badjentaila bulieta bwa Kidisitu bushyabumono mwa kulondolwela.

Mateo 12:26

Biabia su Satana abingi Satana, e mwīlamune e na mwinyi, binyibiabia bufumu bwe abukashimata bi kunyi?

Mateo 13:20

Anka yawa batambwile mbio mu kihindji kia mabwe, nyi e bahushishe Mwanda, kahindji n’āka namu eutambula na kusangala;