Mateo 11:5 - KILOMBENO KIHYA KIA NFUMWETU YESU KIDISITU

⁵ Bampofu abamono meso, bilema abitambuka, basha kīfwi abatoshibwa, basha kitwi abahusha, bafwe ababushibwa ku lufu, na balanda be na mukāndu-wibuwa ubalungudibwa kwabadi.

Mateo 11:5 Referans Kwoze

Luka 4:18

Kikudi a-Yehowa e handji’mi, mwanda banshingile (mwimu) mu kulungula mukāndu-wibuwa kwi balanda; bantumine kusangulusha mashimba abenyengye; kulungula kuhosolwa kwa misungi, na kubūlwa kwa meso kwi bampofu, kuhosola bafwambukye.

Yakoba 2:5

Hushai bakwetu batomibwe kii’ulo, Efile Mukulu tamusangule balanda ba hanohansenga, tambampeta mu lukuluhilo, na bu bampyanyi ba bufumu bubalayile kwi baba abamufule kifulo su?

Mateo 21:14

Biabia bampofu na balemane abafikile kwadi mu ntempelo; E bebahwishishe.

Yoano 10:38

Ankasu nakitshi (mnyanda) sunga tanunkumina’mi, kuminai bikitshino; na kwiuka nwiukye, nukumine’shi, Yaiya E mundea, mwanda, nami namu nyi munda mwe.

Yoano 10:25

Yesu bebalulwile’shi: Nenulungwile, anka tanwibakumina: bikitshino biankitshina mwishina dia Yaiya, nyi abinakwila.

Yoano 5:36

Ank’ami nyi na misambo yikile ya Yoano: mwanda bikitshino biba mpele Yaiya bia kuhudisha, bino bikitshino binakitshi, abintemusha’shi ng’Yaiya bantumine.

Yoano 3:2

Nyi winyi bafikile kwi Yesu bufuku, tamwamba’shi: Labi, tubeuku’shi, obe we mulambukishi mufiki kw’Efile Mukulu, mwanda takwi muntu euku kukita bino bitundwilo biokitshi’bi, anka su Efile Mukulu e n’e.

Yoano 2:23

Binyibiabia hatabadi mu Yelusalema henyi ha kia Paque ha (kidibwa kikata,) bebungi abakuminyine eshina die ha bamwene bitundwilo bia bakitshine.

Mako 9:25

Habamwene Yesu kibumbu kikwete kwibuñena mbilo basashile mukishi wi ntanka’shi: Obe mukishi wa kamama na wa kitwi, nakukamika’shi: Tuka munda mwe, totwelanga mwanka dimo.

Mako 7:37

Abakambile kukanya bikata’ shi; Bakitshi myanda yoso bibuwa, E ahwishā basha kitwi, tabahushā, n’abe kamama tabākulā.

Mateo 10:8

Nuhwishe basha kubofula kwa mbidi, nutoshe basha kifwi, nubushe bafwe, nutushe bikudi bibi, nubatambwile bisumanga, nuhei bisumanga.

Mateo 9:30

Biabia meso abo ababulukile, na Yesu bebalungwile bikata’shi: Talai! tanwiukishanga muntu sunga ngumune.

Mateo 5:3

Mwabi kwi balanda mwishimba, mwanda bufumu bwa mwiilu mbwabo.

Bikitshino 2:22

Anwe Bena Isalele, hushai bino bishima: Yesu a ku Nasaleta, muntu mukuminyibwe n’Efile Mukulu munkatshi mwenu ku bilengyeleshi na bia makita na bitundwilo, bibakitshine Efile Mukulu n’e munkatshi mwenu, anka mwanwiuku’nwe ba na bene;

Mateo 11:4

Yesu bebālulwile’shi: Ndai, nukalubwile Yoano, na bianubahusha na bianubamono:

Mateo 12:13

Biabia balungwile muntu’shi: ola mboko yobe. E namu beyolwele, yibalombene biya hamunenka na yikwabo.

Yoano 9:7

Bamulungwile’shi: Nd’oketumpe mwishiba dia Siloama (kuhatula nyi kwambashi, Mutumibwe.) Biabia, bayile, beitumpile, bālukile na meso abulwe.