Mateo 11:25 - KILOMBENO KIHYA KIA NFUMWETU YESU KIDISITU

²⁵ Ha’kia kihindji, batandabwile mwanda’shi, A! Nakutumbula Yaiya, Nfum’ēilu na nsenga, mwanda obe bofyile yino myanda kwi basha binangu na kwi badimukye, bweifumbwila kwi bana bakinga.

Mateo 11:25 Referans Kwoze

Mateo 21:16

Abamwambile’ shi: Bohusha biabākula 31 A nanyi a baba babidi bakitshine abikyebele eshimba dia su? Yesu bebālulwile’shi: Uolo; tanwibabale’shi: Mu kanwa mwa bana bahela na bana bakiabōmwa boloñamisha milangwilo su?

Mateo 16:17

Yesu bamwālulwile’shi: Obe sha mwabi, Shimona Bashona, mwanda mbidi na mase tabibakufumbukile, ooo, anka Shami e mwiilu.

Ii Bena Kodinda 3:14

anka binangu biabo bibadi bikome anka hoo. Mwanda mpaa na ku lelo uno, kino kihūto kinyi ki kwanka, tankikashwe ha kubala kwa mukanda wa kilombeno kikulu, ooo; kinyi kihūto nyi nkikashwe mu Kidisitu.

Bikitshino 17:24

Efile Mukulu bahangile hanohansenga na bioso bi hanka, mwanda e Nfumu a mwiilu na ha nsenga, tabombelā mu mashibo akulangwila ashidikwe bishila akitshibwe na maasa a bantu, ooo.

Yoano 11:41

Henyihaha babakashishe’bwe dibadi dibwikile ku mashama alale mufwe. Biabia Yesu babandulwile meso’shi: Yaiya nakutumbula mwanda obe bompushisha.

Luka 22:42

Obe Yaiya, su okumina, kasha dino ekoho kwandjimi; anka tamwankyebela mwishimba diande, ooo, anka mokyebela mukitshibwe.

Luka 23:34

Henyihaha Yesu bakwile’shi: A Yaiya, ebalekye le, mwanda tabeuku kiabakitshi. N’abo abābanene bifwalwa bie, bebita bubale.

Yoano 12:27

Binobino eshimba diande dibenyengye; akiakyebe’nyi kwakula nkinyi? nakula’shi: Obe Yaiya ompashe ku kino kihindji: anka ha uno mwanda mpā nafikila ku kino kihindji.

Yoano 12:28

Yaiya tumbisha eshina diobe. Henyihaha kubatukile eyi mwiilu’shi: Nahu kwiditumbisha, nankeditumbisha dimo.

I Bena Kodinda 2:10

Anka Efile Mukulu betufumbwila’ (yo) mu Kikudi e e Selelee; mwanda Kikudi-E-Selelee akokōlā myanda yoso, ee, yinyi myanda yibukoho y’Efile Mukulu.