Mateo 11:20 - KILOMBENO KIHYA KIA NFUMWETU YESU KIDISITU

²⁰ Biabia, E babangile kusashila bibalo mubakitshinyinwe bikitshino bia bukome, mwanda tabelangye mu mashimba’bo.

Mateo 11:20 Referans Kwoze

Kibafumulwe 2:21

Namuhele kihindji kia kwilanga mwishimba ku lukyebanokyebano lwe anka e tamwilange.

Kibafumulwe 16:11

Abakayile namu Efile Mukulu a mwiilu ha mwanda wa mitanyo yabo na malonda’bo, tambelangye ’mashimbai ku bikitshino biabo, ayoyo.

Kibafumulwe 16:9

Biabia bantu abatatshishwe na kālo ke moo; n’abo abakayile eshina di’Efile Mukulu e na matalwa hanundu ha bino bihuha; tambelangye ’mashimba kumutumbisha, ooo.

Yakoba 1:5

Anka su kwi umune ’ēnu mulobeshe binangu, atekye Efile Mukulu nyi aheyā boso na mpango, tekusulā, ooo, n’akio akikamuhebwa.

Bikitshino 17:20

Mwanda obe kwete kwitufishisha ku matwi myanda yi bingi: Biabia atukyebe twiukye mwiyile yino myanda.

Mako 16:14

Biabia nyi bakamwekyele kwi’bo (bana ba bukishi) ekumi na umune, hababadi bashale ku bidībwa, bebebwele n’abo ha mwanda wa kidiodi kiabo na mashimb’abo abadi anka hoo, mwanda tabakuminanga kwi benyi abamumwene habasangukile na muwa.

Mako 9:19

E bamwalulwile’shi: A ee! anwe ba kihindji kishī na kukumina, a nankashala n’enu kihindji ki bula na minyi? aneshinena n’enu bihindji bi na minyi: mufwishei kwandji’mi.

Mateo 12:41

Bantu ba ku Ninefa abakabwēla mu kimu na kano kekulu (kabantu), abakekahīsha; mwand’abo belangye mu mashimba ku kulungula kwa Yonasa, na talangai, mukile Yonasa bukata e hano.

Ii Bena Kodinda 12:21

Tala namu hankafiki dimonyi, Efile Mukulu ande akankwatshisha būfu munkatshi mwenu, n’ami nankekala na lukalo lwa bebungi abasolele myanda kwibedi; bashī belangye munda ku kushūla-kwa-bishila na lukyebanokye’bano, na mudioholo w’eshimba dibi wabakitshine.