Mateo 10:28 - KILOMBENO KIHYA KIA NFUMWETU YESU KIDISITU

²⁸ Tanutshinanga’bo abaiha mbidi, anka bashī abeuku kwihā kikudi; anka nukile kutshin’awa euku kulwisha kikudi, na mbidi bioso namu mu Ngehena.

Mateo 10:28 Referans Kwoze

Kibafumulwe 2:10

Totshinangā’ya myanda (yamalwa) yiotokyebe kukala, sunga ngumune; talanga, kafilefile takyebe kwela bamo b’enu mu nshibo ya lukano nutompibwe; anukamono bishiotshi mafuku ekumi; wekale mushimate mpaa na ku lufu, n’ami nankakuha kilongo kia muwa.

Yakoba 4:12

Kwi mushidiki a bishila umunenka, na bu nsushi, nyi ēuku biakuhasha na biakulwisha: anka obe we’nyi atshibila mungi?

I Petelo 3:14

Anka su anufwambuka ha mwanda wa kululama, (biabia) muloo ngwenu; tanwikalanga’nyi na moo ha kufunafuna kwabo, sunga nkukalakasha munda;

Mateo 25:46

Binyibiabia bano abakēnde mu malwa a ikala-ika; anka balulame (abakatwele) mu muwa wa ikala-ika.

Bena Bahebelu 10:31

Nyi kintu ki moo kuhonena mu maasa a Efile Mukulu a muwa.

Mateo 10:26

Binyibiabia tanwibatshinanga, mwanda takwi kintu kifībwe kishī akikasokolwa, sunga bufyefye bushī buukibwa,

Bena Bahebelu 11:35

Bana bakashi (namu) abatambwile bafwe babo ha kusanguka dimonyi ku muwa; bangi namu abanyengeshibwanga malwa akata, kushī kutambula kuhashībwa; mwabadia kutambwila lusangukilo lufinyine buwa.

Bikitshino 21:13

Henyihaha Paulu bālulwile’shi: A nkinyi kianudidi na kunsasush’eshimba diande? Mwanda nki mwimēne kwanyibwa ank’ako, anka namu kumona’nyi lufu ku Yelusalema ha mwanda w’eshina dia Nfumwetu Yesu.

Mateo 5:22

Anka’mi nenulungula’shi: Muntu ese e na mukwabo nsungu bisumanga, tadi ha kwelwa mu kiniu, anka muntu ese akatemune mukwabo Laka, tadi hehi ha kutushwa ku kilumbeno kia bakulu, anka muntu ese akākula’shi: Obe we mulubi, tadi hehi ha kwelwa mu kālo ka Ngehena.

Yoano 5:29

abakatuku, abo’shi abakitshine bibuwa, kwi lusangukilo lwa muwa n’abo abakitshine bibubi, kwi lusangukilo lwa kuhishibwa.