Mateo 10:23 - KILOMBENO KIHYA KIA NFUMWETU YESU KIDISITU

²³ Anka habakēnumwesha malwa mu kibalo kiakia, sukai ku kingi, mwanda nenulungula binyibinyi’shi: Mwan’a muntu akafikibwa kwibedi tanwibabandjile kuhudisha bibalo bioso bia Isalele.

Mateo 10:23 Referans Kwoze

Mateo 16:28

Binyibinyi nenulungula’shi: Kwi ibamo bemane hano, tabakamono lufu, anka su abahu kumoma Mwan’a Muntu afiki mu Bufumu bwe.

Bikitshino 17:10

Kahindji n’āka bakwabo ba mu Kidisitu abatumine Paulu na Shilasa ku Belea bufuku, abo habakafikile (kwanka) abatwelele mu kitumbwilo kia Bena Yuda.

Bikitshino 8:1

Saulu badi mukumine ha lufu lwe. Ha kiakia kihindji kubebwele kubingwabingwa kwi mooku kikoñeno ki’Efile kibadi mu Yelusalema. Abadi bahalakashwe kosokoso ku mpese yoso ya Yudea na Samadia, anka batumibwa abashele.

Mako 13:26

Kumongo abakamono Mwan’a muntu kwete kufika ’makumbi na bukome bukata na ntumbo.

Luka 21:27

Henyihaha abakamono Mwan’a Muntu afiki mwikumbi na bukome na ntumbo yikata.

Luka 18:8

Nenulungula’shi: akebōbwela bukidi. Sunga mbiabia, ahakafiki Mwan’a muntu, akasañana lukuluhilo hano-ha nsenga su?

Yoano 7:1

Habahwile yaya myanda Yesu badi akindakana mu Ngadileo: tabadi akindakana mu Yudea, ha mwanda wa Bena Yudea babadi abakyebe kumwiha.

Mateo 26:64

Yesu bamwalulwile’shi: Obe bohu kwakula: anka nenulungula’shi: Ahakayisha kihindji anukamono Mwan’a Muntu mushale ku mboko yibalume ya bukome, afiki namu ha makumbi a mwiilu.

Mateo 24:30

Henyihaha kitundwilo kia Mwan’a Muntu akikamweka mwiilu; biabia mīlo yoso ya hanohansenga ayikadidi; ayikamono Mwan’a Muntu afiki ’makumbi a mwiilu na bukome na ntumbo yikata.

Bikitshino 17:14

Henyihaha kahindji n’āka, bakwabo ba mu Kidisitu, abatumine Paulu kwenda ku luhese lwa mema a kalunga; anka Shilasa na Temote abashele kwanka.

Mateo 25:13

Binyibiabia hasukai, mwanda tanwiuku efuku, sunga nsa ahakafiki Mwan’a Muntu.

Mateo 24:48

Anka su yawa mpika ntubi ahwandjikisha mwishimba die’shi: Nfumwami bakutwa kufika bukidi;

Mateo 24:27

Mwanda bu luhenyo lwa mpeshi alufu ku kihindji akitunduka nguba, na kuhenya mpaa na kwa kuhona nguba, anka biabia namu nyi abikekala kufika kwa Mwan’a Muntu.

Mateo 23:34

Henyihaha nenutumina batemuki na basha binangu, na Bafundji-ba-Mikanda; bamo b’āba anukebayiha, na kwibahudika ku mutshi uhingakane; bangi namu anukebakuhila mu bitumbwilo bienu, na kwibamwesha malwa ku kibalo ku kibalo.

Mateo 4:12

Habahushishe’shi, Yoano belwa mu lukano, batentulukile ku Ngadilea;

Mateo 2:13

Habayile, talai, mwikeilu a Yehowa bamwekyele kwi Yosefe mu kilotwa’shi: Buka, ata mwana mukinga na nyin’e, nusukye ku Ndjihitu, okekale kwanka mpaa na hankakulungula mwanda: mwanda Heloda akyebe kufwila mwana mu kumwihā.

Bikitshino 20:1

Habauminyine eunga, Paulu baitamine balondji bi’Efile kwadi, bebebambele bīha kwibalaa, akatuka kwenda mu Masedonya.

Mateo 16:27

Mwanda Mwan’a Muntu akafiki mu ntumbo ya Shye na bamwikeilu be; henyihaha akaha bwedi kwi muntu oso mulombene bikitshino bie.

Mateo 23:36

Binyibinyi nenulungula’shi: Bino bioso abikafiki ha tunkwatamanwi tuno.

Mateo 24:34

Binyibinyi nenulungula’shi: Kano kankwatamanwi takakakidi mpaa n’ahakakumbana bino bintu bioso.