Mateo 10:18 - KILOMBENO KIHYA KIA NFUMWETU YESU KIDISITU

¹⁸ Anukafishwa namu ku meso kwa batontshi na banfumu ha mwanda wande, kwikala bu kitundwilo kwabadi, na kwi Badjentaila.

Mateo 10:18 Referans Kwoze

Mako 13:9

Anka dimukai anwe bana bene, mwanda abakenufishe mu bīmu bia basushi, anukakuhilwa mu bitumbwilo, abakenufishe namu ku meso kwa batontshi, na ku meso kwa bafumu ha mwanda wande, na kwikala bu kitundwilo ku meso kwabo.

Mateo 8:4

Yesu bamulungwile’shi, Tala! tolungulanga muntu sunga ngumune; anka wende, okeleshe kwi tshiite-mwakwidi, lambula buntu bwobe bubakamikile Mosesa bu kitundwilo ku mpala kwa bantu.

Kibafumulwe 11:7

Habahwile bulungudi bwabo, nyama-e-bukyelo atuka ku luhongo lushī na nfudilo akalu ngoshi n’abo, akebakambila, ebehe,

Kibafumulwe 6:9

Habalamwine kiukilo kia katano, namwene mushi mwa kitala (kia bitahilo) bikudi bia’ba abehayibwe ha mwanda wa Mwanda w’Efile Mukulu, na ha mwanda wa bulungudi bwabadi na’bu.

Kibafumulwe 1:9

Ami Yoano, mukwenu, mubungilwe n’enu mu bishiotshi, na mu bufumu na mu kukankamana kwa Yesu Kidisitu, nadi mu kila akitemuna bu Patamosa ha mwanda wa Mwanda w’Efile Mukulu na ha bulungudi bwa Yesu.

Ii Temote 1:8

Biabia twekalanga na būfu bwa bulungudi bwa Nfumwetu, sunga mbw’ami mukwatwe e; ank’obe wekale mutambudi a kihindji a bishiotshi bia mukānduwibuwa mulombene bukome bw’Efile Mukulu.

Mateo 10:17

Anka dimukai bantu, mwanda abakenufishishe ku bimu, n’abakenukuhila mu bitumbwilo biabo.

Mateo 10:19

Anka habakenufisha, tanunyenganga mwishimba’shi, atwākula na minyi; mwanda anukahebwa bia kwakula mu yawa nguba.