Mateo 10:15 - KILOMBENO KIHYA KIA NFUMWETU YESU KIDISITU

¹⁵ Nenulungula binyibinyi’shi: Ahakafiki adi’efuku dia kimu, bushito bwa malwa a kiakia kibalo akakidi ā malwa a Sodomo na Ngomolo.

Mateo 10:15 Referans Kwoze

Ii Petelo 2:6

bahishishe bibalo bia Sodoma na Ngomola na kwibialula bu buto, na kwibialula bu kidimu kia kulesha baba abakekala na miuwa yabo bashī n’Efile ku mongo.

I Yoano 4:17

Muno nyi mubakumbeshwa kifulo kietu’shi, twikale na kukankamana mwifuku dia kimu; mwanda mwadi mwikele, anka biabia n’atwe namu hanohansenga.

Ii Petelo 3:7

anka mailu e kwanka binobino, na nsenga namu mbibikilwe kālo ku dinyi eyi, mbibombeleshwe mpaa n’aha fiki efuku dia kimu na kilwīlo kia bantu bashī b’Efile Mukulu.

Ii Petelo 2:9

Yehowa euku mwa kuhashisha balulame ku kutompibwa, na kulama bashībalulame kumweshibwa h’efuku dia kimu;

Mako 6:11

Baba bashī abakenutambula, sunga kwinwifwakena, hanwibō hanka nwibakukwile lufūfi ku ngwa yenu, kwikala bu kishingulwilo kwabadi. Binyibinyi nenuamba’shi, ahakafiki adi’efuku dia kimu, bushito bwa malwa bwa kiakia kibalo bukakidi a malwa a Sodomo na Ngomolo.

Mateo 12:36

Ank’ami nenulungula’shi: oso mwanda wa bisumanga aukakula bantu, a babeilubula mwifuku dia kimu.

Mateo 5:18

Mwanda binyibinyi, nenulungula ’shi: mpā n’ahakashimina eīlu na nsenga, sunga kahelahela ke ntshantshantsha, su ke nyunyunyu ka mukanda-wa-bishila takakashimina sunga kahelahela kenyi, mpā na haukakumbana.

Mateo 7:22

Mu diadi’efuku bantu be bungi abakanamba’shi: A Nfumwami, a Nfumwami, tatwibatemukile bu mutemuki mwishina diobe? Tatwibabinge bikudi bibi mwishina diobe su? Tatwibakitshine bikitshino bi bungi bia bilengeleshe?

Yoano 6:39

Bino nyi abikyebe eshimba dia bantumine’shi: ku bioso biampele, tankashimisha sunga nkimune; anka nkekisangula h’efuku dia nkonko.

Yoano 6:40

Bino nyi abikyebe eshimba dia bantumine’shi; muntu ese atala Mwana, amukumina, akekala na muwa wa ikala-ika; n’ami nankamubusha kwifuku dia nkonko.

Yoano 12:48

Anka’wa ampele’mi, sunga kutambula myanda yande, e na umune kumutshibila mwifuku dia nkonko.

Bikitshino 17:31

mwanda e tabasangwile efuku, ha dinyī’ dio, akatshibi myanda ya bahanohansenga na kululama, kwi (winyi) Muntu abasangwile; behele bantu boso kishisho bu biabamubushishe ku lufu.

I Bena Kodinda 3:13

Mufubo wa muntu ese wanakafumbulwe, mwanda efuku adikalesha’o, mwanda aukafumbulwa na kālo; kālo namu akakatompo mufubo wa muntu ese muntu ese, su wi na minyi.

I Bena Tesalonika 5:4

Anka’nwe bakwetu tanwi mu mufito’shi, diadi’efuku adikenuhulumukīla bu ngifi, ooo.

Bena Bahebelu 10:25

Tatulekanga kwikoñena hamune, bu mwiyi le kihikwa kia bamo, anka twinyishenei, na kukishakisha mwanka hatumono dinyi efuku adifubula hehi.

Yuda 1:6

Na bamwikeilu bashī balame mwikelo wabo wa kwibedi, a kunyi abalekyele mbalo yabo ba na bene, mwibalame mu nkano ya ikala-ika ya mufito mpaa na ku kimu kia diadi’efuku dikata.

Yuda 1:7

Anka bu Sodoma na Ngomola na bibalo ku bukunkulu bwabio, habehene hamunen’abo kubia lukyebanokyebano na kulonda bia mbidi yingi, mbatulwe bu kileshesho, bakwete kufwambuka kumweshwa kwa kālo kaikala-ika.