Mateo 1:23 - KILOMBENO KIHYA KIA NFUMWETU YESU KIDISITU

²³ Talai, mukashi ki kamame akayimite efu, akatande mwana mulume, abakamūdike eshina dia bu Emanyuele, nyi nkuhatula’shi: Efile Mukulu E n’etu.

Mateo 1:23 Referans Kwoze

Yoano 1:14

Biabia winyi Mwanda ubalulukile taudi bu muntu, abombela munkatshi mwetu, (twabandjila ntumbo ye, ntumbo yinyi bu ya mwan’eleka kwi nshye,) muule bu muntu na biabinyibinyi.

I Temote 3:16

Kinyi kifibwe kia bwin’Efile Mukulu nkikata kishī kia mpaka, ooo; E bafumbwilwe mu bia mbidi, babangishwe mu Kikudi-E-Selelee, bamwenwe na bamwikeilu, balungulwa munkatshi mwa milo (ya bantu) bakuminyibwe hanohansenga, batambwilwe mwiilu mu ntumbo.

Mateo 28:20

Nwibalambukisha kulama bioso binenukamikile, biabia talangai, nyi n’enu mafukuoso mpaa na kunfudilo kwa hanohansenga. Amena.

Ii Temote 4:22

Nfumwetu ekale na kikudi kiobe. Bumuntu bw’Efile bwikale n’enu.

Bena Loma 9:5

Ñanka’bo benyi ba bashetu-kulu, na kwa badi, nyi kubafikile Kidisitu mulombene mbidi ye, na mwinyi e ku nundu kwinyi kwa boso, Efile-Mukulu a mwabi wa ikala-ika. Amena.

Ii Bena Kodinda 5:19

Nkia kwamba’shi, Efile Mukulu badi mu Kidisitu elombashanga na bahanohansenga kwadi E na mwinyi, tamwibalondole kwabadi kusola kwabo kwa myanda; e betutudile namu mwanda wa kilombeno.

Bikitshino 18:9

Henyihaha Nfumwetu bakwile kwi Paulu bufuku mu kimonwa’shi: Totshinanga, anka okule, touminanga, nyaa, ooo.

Ii Temote 4:17

Anka Nfumwetu badi mwimane n’ami, bankankamikile’shi: bulungudi bw’Efile būkidilwe, na Badjentaila boso bahushe: Namañunwinwe namu mu kanwa mwa ntambwe.

Mateo 1:24

Biabia Yosefe hababukile mu tulo, ībakitshine bibamulungwile mwikeilu a Yehowa, bātshile mpian’e.

Bena Loma 8:31

A henyihaha mwatukyebela’nyi kwakwila ha bino bintu mwi kunyi? Su Efile-Mukulu e n’etu, aketuhishena n’etu a nanyi?

Luka 20:44

Binyibiabia Dafidi amutemuna bu Nfumu; a biabia e Mwan’e bi kunyi?