Mateo 1:20 - KILOMBENO KIHYA KIA NFUMWETU YESU KIDISITU

²⁰ Anka habadi anangushena yaya myanda, talai, mwikeilu a Yehowa bamwekyele kwadi mu kilotwa, bamwambile’shi: A Yosefe mwan’a Dafidi, totshinanga kuata mpian’obe Madiya, mwanda kiadi mwimite mwifu die nkia Kikudi-E-Selelee.

Mateo 1:20 Referans Kwoze

Luka 1:19

Mwikeilu hakwalula bamulungwile’shi: Ami nyi Ngabudiele, naimana ku mpala kw’Efile Mukulu; natumibwa kwisamba n’obe, na kukulesha uno mukānduwibuwa.

Mateo 1:18

Kwinyi kutandjibwa kwa Yesu Kidisitu kubadi anka bino. Habadi nyin’e Madiya muladikwe kwi Yosefe, kwibedi tababandjile kufumankana n’e hamune, biabia basanenwe mwimite eimi kwi Kikudi-E-Selelee.

Mateo 2:19

Anka habafwile Heloda, talai, mwikeilu a Yehowa bamwekyele kwi Yosefe mu kilotwa mu Ndjihitu,

Luka 2:4

Yosefe namu bakatukile ku Ngadilea ku kibalo kia Nasaleta ēnda ku Yudea, ku kibalo kia Dafidi akilumbwa bu Betelema, mwanda badi a ku nshibo na ku kifuko kia Dafidi.

Mateo 28:5

Biabia mwikeilu bālulwile bana bakashi’shi: Tanutshinanga moo, mwanda neuku’shi: Nyi Yesu anukimbi, badi mwihayibwe ha nkulusu.

Mateo 2:22

Anka habahushishe’shi, Akeleusa bahyana mu bufumu bwa nshye Heloda mu Yudea, bamwene moo kwenda kwanka: Binyibiabia, badimwinwe mu kilotwa kw’Efile Mukulu, bayile dingi eshinda ku mpese ya Ngadilea.

Mateo 2:13

Habayile, talai, mwikeilu a Yehowa bamwekyele kwi Yosefe mu kilotwa’shi: Buka, ata mwana mukinga na nyin’e, nusukye ku Ndjihitu, okekale kwanka mpaa na hankakulungula mwanda: mwanda Heloda akyebe kufwila mwana mu kumwihā.

Mateo 2:12

Anka habadimwinwe kw’Efile Mukulu mu kilotwa’shi: Tanualukilanga kwi Heloda, abakatukile, bayile ding’eshinda ku nsenga yabo.

Mateo 27:19

Habadi mushale ha kimu, mpian’e bamutumine eyi eshi: Twekalanga na mwanda sunga mpahelahela na yawa muntu mululame, mwanda lelo uno nafwambuka na bintu bibungi mu kilotwa ha mwanda w’e.

Bikitshino 5:19

Anka bufuku mwikeilu a Yehowa bashitwile bibi bia ku nshibo ya lukano, bebatushishe hasha’shi:

Kibafumulwe 19:7

Tusehelei na kusangala kukata, tumuhei ntumbo, mwanda ebambo dia Mwan’a-Mukoko dibafiki, na mpian’e tahwile kwilumbula.