Mateo 1:1 - KILOMBENO KIHYA KIA NFUMWETU YESU KIDISITU

¹ Mukanda wa kifuko kia Yesu Kidisitu, mwan’a Dafidi mwan’a Abalahama.

Mateo 1:1 Referans Kwoze

Bena Ngalatea 3:16

Binyibiabia milayilo yibalayibwanga kwi Abalahama mpaa na ku lubio lwe. Tamwakule’shi: Nku mbio, bu yi kibumbu, ooo, ñanka bu ya lumune: Na ku lubio lobe, lwinyi nyi Kidisitu.

Bena Loma 1:3

ha mwanda wa Mwan’e Yesu Kidisitu Nfumwetu. Winyi batandjibwe ku twikulo twa Dafidi mwiyile mbidi ye;

Kibafumulwe 22:16

Ami Yesu natumine mwikeilu ande kwinulungula bu kamonyi yino myanda mu bikoñeno bi’Efile. Ami nyi mushi na kekulu ka Dafidi, lwinyi luenyenyi lwa kunkyelo lwi selelee.

Yoano 7:42

Bifundjibwe tabibetulungwile’shi: Kidisitu batukile ku kekulu ka Dafidi, mu kibalo kia Beteleme, nyi kubadi Dafidi su?

Bikitshino 2:30

Binyibiabia hakwikala bu mutemuki, na ha kwiuka’shi, Efile Mukulu bamutshihile mutshiho’shi: Ku bikuba bia munda m’ōbe, mulombene mbidi, nankabusha Kidisitu kushala ha luhunā nsulu lwe.

Mateo 1:18

Kwinyi kutandjibwa kwa Yesu Kidisitu kubadi anka bino. Habadi nyin’e Madiya muladikwe kwi Yosefe, kwibedi tababandjile kufumankana n’e hamune, biabia basanenwe mwimite eimi kwi Kikudi-E-Selelee.

Bena Loma 9:5

Ñanka’bo benyi ba bashetu-kulu, na kwa badi, nyi kubafikile Kidisitu mulombene mbidi ye, na mwinyi e ku nundu kwinyi kwa boso, Efile-Mukulu a mwabi wa ikala-ika. Amena.

Bena Loma 4:13

Ta mbalayile Abalahama na twikulo twe buhianyi bwa nsenga yoso mwanda wa mukanda-wa-milangilo, ooo, anka ha mwanda wa kululama kwa lukumino.

Mateo 15:22

Henyihaha talangai, mwana mukashi mwina Kanana bakatukile mu yaya mpese, bamwele musase’shi: Onfwile lusa, Mwanana, mwan’a Dafidi, mwana’nde mukashi bamweshwa malwa na mukishi ubi.

Mateo 9:27

Hakukatuka Yesu kwanka, bampofu balume babidi abamulondele, tabamwele musase’shi: Etufwile lusa, obe Mwan’a Dafidi.

Mateo 3:16

Na Yesu hababatshishwe, babukile henyihaha mu mema; talangai, eilu dibamubulukile, bamwene Kikudi-E-Selelee e Efile Mukulu ayiki bwikutshi, bamutentamine.

Mateo 1:2

Abalahama batandjile Isaka, Isaka namu batandjile Yakoba, Yakoba batandjile Yuda na bakwabo.

Luka 1:33

N’e akabikala hanundu ha kifuko kia Yakoba, mpā na kwikala-ika; na ku bufumu bwe tabukekakala kibikwilo.

I Temote 2:5

Mwanda kwi Efile Mukulu umune, na musengi umune hankatshi Efile Mukulu na bantu, winyi muntu nyi Kidisitu Yesu.

Ii Temote 2:8

Nangushena Yesu Kidisitu, e ku kekulu ka Dafidi, musangulwe ku lufu mwiyile mukāndu-wibuwa wande,