Mako 9:43 - KILOMBENO KIHYA KIA NFUMWETU YESU KIDISITU

⁴³ Su mboko yobe ayikukokosha, biabia eitshibe, mwanda, kutwela ’muwa na kilema nyi kukila kodibe, su kuelwa mu Ngehena na māsa abidi mu kālo kashi keuku kushima.

Mako 9:43 Referans Kwoze

Mateo 25:41

Henyihaha akalungula be ku mboko yibakashi’shi: Katukai kwandji’mi, anwe bēlwe muloa, mpaa na mu kālo ka ikala-ika, kabalumbulwilwe diabola na bamwikeilu be;

Bena Bahebelu 12:1

Binyibiabia atwe namu twibafunyishibwe na kibumbu kia tumonyi, tufule bibushito bioso na mulwisho winyi awitubembelā, tukame lubilo na kunyiñamana mu kwinyi kwishiena kwi ku mpala kwetu,

Mateo 5:22

Anka’mi nenulungula’shi: Muntu ese e na mukwabo nsungu bisumanga, tadi ha kwelwa mu kiniu, anka muntu ese akatemune mukwabo Laka, tadi hehi ha kutushwa ku kilumbeno kia bakulu, anka muntu ese akākula’shi: Obe we mulubi, tadi hehi ha kwelwa mu kālo ka Ngehena.

Bena Ngalatea 5:24

N’abo ba Kidisitu (abawhile) kwiha mbidi ha mutshi uhingishene na ya kusuasua kw’eshimba na lwiso.

Mateo 3:12

Kihehwilo kie ki mwiasa die, akatosha selelee ha mutāla he, akaumbula misekye ye mu mutala, anka akashikye mpaha mu kālo kashyakashimibwa.

Tetusa 2:12

bwa kwitulambukisha’shi, tutune bushī bwin’Efile Mukulu, na ngabiabi ya hanohansenga, biatudia kwikala na witongo, na kululama, na bu ba bwin’Efile Mukulu hanohansenga;

Bena Kolose 3:5

Biabia nwihei bia ku mbidi yenu bia hanohansenga; kukyebanakyebana, biko bi’eshimba, kifulo kia myanda yibūfu, kusuasua kwa yibubi, malaka namu, nyi anka lulangwilo lwa mankishi.

Bena Loma 8:13

Su anulondo bia ku mbidi, biabia anukafu; anka su anuihaa bikitshino bia ku mbidi ha mwanda wa Kikudi-E-Selelee biabia anukamono muwa.

Luka 14:13

Anka hotekyesha bidibwa, wetanyina balanda, na balemane, n’abasumpikita, na bampofu.

I Petelo 2:1

Binyibiabia hakukasha kifita kioso, na bulamalama boso, na bunsesa boso, na biutu, na mīsambo yibubi yoso,

I Bena Kodinda 9:27

Anka’mi natonto mbidi yande, neikokeshe’shi, tala su mbi kunyi su mbi kunyi, hankalungula mukāndu-wi-buwa kwi bangi, ami na mwinyi nadia kwikala mutunyibwe.

Luka 14:21

Biabia yawa mpika bafikile, balubwidile nfumu e yino myanda. Henyihaha shā nshibo biadi mwikale na nsungu, balungwile mpik’eshi: Nda lubilo mu milungui na mu mpata ya kibalo, ofishe muno balanda, na balemane, n’abasumpikita, na bampofu.

Mateo 17:27

Sunga mbiabia, tala twebakokoshanga, obe ndanga kwdshiba, wele’mo bulobo, wāte mushiha aubadila kulobola, na hakwiuasamisha mukanwa, okamono lufalanga lwa shekela mwanka. Wate’lo webahe’lo ku kitadi kiande na kiobe.

Mako 9:44

Nyi mwamwa kifinwa kiabo kishī akiuku kufwa, na kālo namu kashī akashima, ooo.

Luka 3:17

E na kihehulo mwiasa die, akatosha ha kitwilo kie selelee, akahongwela ngano mu mutengye we, anka mpaha akeyishikye na kālo kashyakashimibwa.