Mako 7:4 - KILOMBENO KIHYA KIA NFUMWETU YESU KIDISITU

⁴ Na hakwaluka ku kisalwe, su ta mbeoshe ta bakudia; babadi namu na bingi bihikwa bi bungi bibatambwilwe kulama, na bia kusula makoho na ngesu, na bihulu bibakitshinwe na bilonda bia munyinga, na bia kusula mambata.

Mako 7:4 Referans Kwoze

Bena Bahebelu 9:10

abio bibadi abikumu anka mu bidibwa na bia kutoma na bia kwitumpa bia bihaso na bihaso, na bileshesho bia mbidi bibebashidikilwe mpaa na ku kihindji kia kilumbulwilo.

Mateo 23:25

Mpombo kwanudi Bafundji-ba-Mikanda na Bafadiseo, bansesa! mwanda anutoshā ha mbidi hasha ha kihulu na ha luanda, anka munda ’muule na bunyenanyi na kukishakisha (kwa myanda).

Yakoba 4:8

Nwifubulei kw’Efile Mukulu n’E akenwifubula. Sulai maas’enu anwe balwishi, toshai mashimb’enu anwe ba mashimba abidi.

Yoano 2:6

Kubadi kutulwe mabuka a mabwe asamombo, (abadi atulwe) bu mwiyile kihikwa kia kutoshwa kwa baYudue. Ebuka dimune dibaulanga bidingilo bibidi su mbisatu; n’angi namu anka hamune.

I Yoano 1:7

anka su atutambuka mwitata, mwadi mwikele mwitata, twi na kilombeno muntu na mukwabo, na mase a Yesu Mwan’e aetutosha ku milwisho yoso.

Mateo 27:24

Biabia Pilato habamwene bakutwa kwibakambile sunga mpahelahela, anka eunga dibabushwa, e bātshile mema, beosheshe ku maas’e ku mpala kwa bibumbu’shi: Amintshi mwamwa’mi a mase a uno mululame, ooo; talangai wanka anwe bana bene.

Yoano 3:25

Biabia kubabukile mpaka kwi balondji ba Yoano na ba Yudea ha mwanda wa kwitosha.

Mateo 23:26

(Obe) Mufadiseo mpofu, banda kutosha kwibedi munda mwa kihulu na mwa luanda’shi, hasha ha’bio mbitoshwe namu.

Mako 7:8

Mwanda anulekye milangilo y’Efile-Mukulu, anulamata ku lungalunga lwa bantu mu kusula kwa ngesu na makoho, na bingi bintu biabia namu bianukitā.