Mako 6:2 - KILOMBENO KIHYA KIA NFUMWETU YESU KIDISITU

² Habafikile efuku dia Sabado babangile kulambukisha mu kitumbwilo; bebungi habahushishe abakanyine’shi: A uno muntu bātshile yino myanda kwi kunyi? anka nkalolo kinyi kabamuhebwa ka kukita bino bikitshino bikata ku maboko E?

Mako 6:2 Referans Kwoze

Yoano 6:42

Abaihwishe’shi: Ta ngwinyi Yesu, mwan’a Yosefe, shye na nyina atwibeuku? A biabia nkinyi’shi, āmbashi, natukile mwiilu?

Yoano 7:15

Biabia Bena Yudea babakanyine’shi: A! uno muntu mwiukye mikanda bi kunyi kwa shī mulambukishwe.

Mateo 4:23

Yesu batambukile luhese lwoso lwa Ngadilea, balambukishe mu bitumbwilo biabo, balungwile mukāndu wibuwa wa bufumu bwa mwiilu, bahashishe bihaso bioso bia masungu, na kubofula koso kwa mbidi kwa bantu.

Mateo 7:28

Habahudishe Yesu yino myanda, bibumbu bia bantu bibakanyine lulambukisho lwe.

Luka 4:15

Biabia balambukishe mu bitumbwilo biabo, badi atumbishwa kwi boso.

Mako 1:39

Henyihaha badi ebalungula mikāndu-yibuwa mu kitumbwilo kiabo, na moso mu Ngadilea, na kubinga mikishi mwanka.

Mako 10:1

Henyihaha Yesu bebwele kwanka, bafikile mu bukunkula bwa Yudea, ku di’eshiya dia Yodana; bibumbu bia bantu bibamukoñene kwadi, n’E bebalambukisha dimo, bu kibadi kihikwa kie.

Luka 2:47

Na boso abamuhushishe abakanyine ku kushingula kwe, na ku mlalulo ye.