Mako 6:12 - KILOMBENO KIHYA KIA NFUMWETU YESU KIDISITU

¹² Na baba abakatukile, babalungwile bantu (mwanda w’Efile-Mukulu’shi): Nwilangei mashimb’enu.

Mako 6:12 Referans Kwoze

Mateo 4:17

Ku kia kihindji Yesu babangile kulungula’shi; Elangei munda, mwanda bufumu bwa mwiilu butadi hehi.

Bikitshino 20:21

Nadi akula bu kamonyi kwi Bena Yuda na kwi Bena Ngidiki namu, kwilanga kw’eshimba kw’Efile Mukulu, na lukuluhilo kwi Nfumwetu Yesu Kidisitu.

Bikitshino 11:18

Hābahushishe yino myanda, abauminyine nyaa, tabatumbishe Efile Mukulu’shi: Biosobi Efile Mukulu muhe Badjentaila namu kwilanga kwa mashimba ku muwa.

Bikitshino 2:38

Binyibiabia Petelo bebālulwile’shi: Elangei ’māshimba, nubatshishibwe boso bwenu mwishina dia Yesu Kidisitu, mwanda wa kulekyelwa kwa milwisho, biabia anukatambula buntu bwa Kikudi-E-Selelee.

Luka 13:3

Nenulungula’shi, ooo, anka su tanwilanga ’mashimba enu, anwe boso anukalwila’nka hamune.

Luka 11:32

Bena Ninefa abakebō ku kimu na kino kihungilo, abakekihisha mwanda abelangile ku bulungudi bwa Yonasa; biabia talangai, mukile Yonasa bukata e hano.

Mateo 3:8

Nuhe bikuba abihwandjikila kwalula kwishimba.

Mateo 3:2

Nwilangei’mashimba mwanda wa bufumu bwa mwiilu tabudi hehi.

Bikitshino 26:20

Anka nabadidile kulungula abo ba ku Ndamasaka, n’abo ba ku Yelusalema, n’aba mosomoso mu mpese ya Yudea, na kwi Badjentaila namu’shi: Belangye na kwaluluka kw’Efile Mukulu, bakite namu bikitshino bilombane kwilanga kwa mashimba.

Bikitshino 3:19

Binyibiabia nwilangei ’mashimba, nwikale bālulwe’shi, milwisho yenu yishimangishwe, biabia akukafiki kwi Yehowa bihindji bia kukankamana kwishimba.

Luka 24:47

Eshi, kwilanga kwishimba na kushimangishwa kwa milwisho kwikale akulungulwa mwishina die munkatshi mwa mīlo yoso, kubangila ku Yelusalema.

Luka 15:10

Nenulungula’shi: Anka biabia, kwi kusehela ku mpala kwa bamwikeilu b’Efile Mukulu ahelanga mulwishi umune mwishimba.

Luka 15:7

Nenulungula’shi: Kusehela mwiilu akukekala anka biabia, ahelanga mulwishi umune mwishimba, kukile makumi kitema na kitema a bantu balulame, bashyabakyebe kwilanga.

Luka 13:5

Nenulungula’shi: ooo, anka su tanwilanga ’mashimba enu anwe boso anukalwila’nka hamune.

Mako 1:15

Kihindji kibakumbana na bunfumu bw’Efile-Mukulu namu bubefubwilwa hehi: nwīlangeyi ku mashimba, nukuminei mukāndu wibuwa.

Mateo 11:20

Biabia, E babangile kusashila bibalo mubakitshinyinwe bikitshino bia bukome, mwanda tabelangye mu mashimba’bo.

Mateo 9:13

Anka nuendei, nwambulei kishingulwilo kia uno. Nankyebe lusa, tankyebe kitahilo, mwanda nki mufikye kwitanyina balulame ba mashimba, ooo, anka, balwishi belangye mwishimba.

Luka 9:6

Abo abakatukile, bēnda mu bibalo bioso mu kulungula mukāndu-wibuwa, na kuhwisha (masungu) kosokoso.

Mako 1:3

Eyi dia umune ēle musase mumahia akabāka’shi; Lumbula eshinda dia Yehowa, ludikai mashinda e.

Mateo 11:1

Bitakubakitshine Yesu habahudisha kukamikila bana-beba-bukishi ekumi na babidi, bakatukile kwanka kwenda mu kulambukisha na kulungula mu bibalo biabo.