Mako 5:7 - KILOMBENO KIHYA KIA NFUMWETU YESU KIDISITU

⁷ Banyishishe eyi dikata’shi: A n’obe n’aminyin’obeunyi? Obe Yesu Mwan’Efile-Mukulu ’mukile ntumbo a mwiīlu, nakutshihila mwishina di’Efile-Mukulu’shi, to’mweshanga malwa.

Mako 5:7 Referans Kwoze

Mateo 8:29

Talai! ab’ēle musase’shi: Obe Yesu Mwan’Efile Mukulu twi n’obe mwanda kinyi? Obe bofiki kwitufwambusha kwibedi kwa kihindji takiabandjila kufika su?

Bikitshino 16:17

Winyi balondele Paulu n’atwe, bēlanga musase’shi. Bano balume mbahika b’Efile Mukulu mukile bukata; abetuhatulwila eshinda dia kihandjilo.

Yuda 1:6

Na bamwikeilu bashī balame mwikelo wabo wa kwibedi, a kunyi abalekyele mbalo yabo ba na bene, mwibalame mu nkano ya ikala-ika ya mufito mpaa na ku kimu kia diadi’efuku dikata.

Mateo 26:63

Anka Yesu bauminyine nyaa. Binyibiabia tshiite-mwakwidi mukata bālulwile, bamulungwile’shi: nakutshihila mutshiho kw’Efile-Mukulu a muwa ami’shi, wetulungule su n’obe Kidisitu Mwan’Efile-Mukulu.

Kibafumulwe 12:12

Binyibiabia sehelai anwe mailu, n’anwe babombele mwanka. Mpombo kwi babombedi ba ha nsenga na ba ha mem’akalunga! mwanda kafilefile bayiki kwanudi, e na nsungu yikata, mwanda euku’shi: kihindji kiande nkihela.

Bikitshino 19:13

Henyihaha bangi ba ku bena Yuda bankindakanyi, babuki ba mbuko, ababangile abo bana bene, kutemuna eshina dia Nfumwetu kwi’ba babadi na bikudi bibi’shi: Atwinutshiha’shi na bi Yesu, balungwilwe kwi Paulu.

Luka 8:28

Habamwene Yesu, bēle musase ukata, bahone hashi ku mpala kwe, banyishishe eyi’shi: Nyi n’obe mwanda su, obe Yesu Mwan’Efile Mukulu mukile boso? nakusendela’shi: To’mweshanga malwa.

Mako 3:11

Na bikudi bi butete hakumumona bibahonehashi ku mpala kwe, tabiele musase’shi: Obe e Mwan’Efile Mukulu.

Mateo 4:3

Habafikile mutompi-a-munda kwadi, bakwile’shi: Su obe we mwan’Efile Mukulu, kamika’shi, ano mabwe ealule ta ntampa.

I Yoano 3:8

Yawa asolā mwanda nyia kafilefile; mwanda kafilefile alwishā mpaa na ku mbangilo. Nyi mpa uno mwanda habasokwelwe mwan’Efile mwabadia kulwishisha bikitshino bia kafilefile.

Ii Petelo 2:4

Mwanda su Efile Mukulu tamulekyele bamwikeilu abalwishishe, anka bebatakwidile mpaa na mu Tataluse, na kwibēla mu nkano ya mufito wifututu, kubikibwa kwesha kimu;

Mako 1:24

A ee! etulekyela nyaa, akia twikele n’obe nkinyi, obe Yesu a Nasaleta? bofiki kwitulwish’anyi? Nakwiuku n’abiodi’be winyi Muhatulukye-selelee e Elile.

Mateo 16:16

Shimona Petelo bamwālulwile’shi: Obe we Kidisitu, Mwan’Efile Mukulu a muwa.

Bena Bahebelu 7:1

Mwanda uno Meletshīsedeka, nfumu a Salema, tshiitemwakwidi e Efile Mukulu mukilekile bukata, bafumankene n’Abalahama hakwaluka ku kutukisha kwa banfumu, bamuhele mwabi.

Bena Bahebelu 2:14

Haha henyi biabia bana biabebungila ku mwita na mase, e na mwinyi namu mwibungile n’abo hamune’shi, ha mwanda wa lufu biadia kulwisha yawa sha matalwa a lufu, e winyi nyi nkafilefile;

Bikitshino 8:36

Biabia habadi abende mwishinda babafikile ku mema; binyibiabia mutungulwe bākwile’shi: Tala mema biadi, akankutshishwa kubatshishwa nkinyi?

Yoano 20:31

Anka bino bibafundjibwa bianudia kukumina’shi, Yesu nyi Kidisitu Mwan’Efile-Mukulu: na ha mwanda wa kukumina, bianudia kwikala na muwa mwishina die.

Luka 6:35

Anka’nwe nwikale na kifulo kwi be n’enu mushikwa, nukite bibuwa; tanwahushanga na kutengyela dimonyi sunga mpahēla, biabia bwedi bwenu abukekala bukata, anukekala bana ba Mukile boso bukata, mwanda e na kalolo kwi bashī na lutumbu na kwi balwishi.

Luka 4:34

Aaa! twi n’obe mwanda kinyi obe Yesu a Nasaleta? Bofiki kwitulwisha su? Nankwiuk’obe n’obe Muhatulwe-a-kishila ’Efile Mukulu.

Luka 1:32

Akekala mukata, akalumbwa bu Mwan’a Mukile-mwiilu; na Yehowa, Efile Mukulu akamuha luhun’a nsulu lwa nshye Dafidi.

Mako 14:61

Anka E bauminyine nyaa, ta mwalule, ooo. Dimo’nyi winyi tshiitemuakwidi mukata e ha nundu ha benē bamwihwishe’shi: Obe we winyi Kidisitu mwan’a mwabi’nyi?

Bena Loma 16:20

Bino Efile-Mukulu a kufukama akatshokola Satana mushi mwa ngwa yenu ahayisha kihindji kihela. Buntu bwa Nfumwetu Yesu Kidisitu bwikale nenu.

Mako 5:6

Habamwene Yesu kula, bakamine lubilo, bamulangwidile.

Mako 5:8

Mwanda (Yesu) bamulungwile’shi: Tuka munda mwa muntu ū, obe kikudi ki butete.

Yakoba 2:19

Okumina’shi: Kwi Efile Mukulu umunenka; okitshi biya; bikudi bibi namu abikuminā na kususā.