Mako 2:1 - KILOMBENO KIHYA KIA NFUMWETU YESU KIDISITU

¹ Habakile mafuku (Yesu) batwele dimo mu Kahanauma, abahalakeshe ntumbo’shi E mu nshibo.

Mako 2:1 Referans Kwoze

Yoano 4:47

Habahushishe’shi Yesu takatukile mu Yudeo, tafikile ku Ngadileo; e bafikile kwadi E, bamusendelele’shi: Banda kufika, ohashe mwan’ande: mwanda ebadi hehi ku iufu.

Mako 7:24

Henyihaha bakatukile kwanka, bayile ku mpese ya Tyla na Shidona, batwelele mu nshibo, ta mukyebe muntu, sunga ngumune kwiuka, anka ta mumone mwa kufwamina.

Luka 5:18

Abo’shi, tutale’bi bana balume abafikile na muntu mutwalwe ha lusala, mukwatwe na busungu bwa lunkalabe, abakimbile kwa kumutwesha, na kumutula ku mpala kwe.

Mako 1:45

Anka e habakatukile, babangile kwela musase wa kuhalakasha koso uno mwanda; biabia ’Yesu tamumone’nyi mwa kutwela mu kibalo kumonyibwa na bantu, ooo, anka badi mwikale mu tubāka: bantu namu babadi abamufwila ku mpese yoso.

Mateo 9:1

(Yesu) batwelele mu bwato, bābukile, bafikile mu kibalo ki’e na mwinyi.

Bikitshino 2:6

Biabia ntumbo ya bino ha kuhalakana mōso, kibumbu kibekongyele hanka, abatuntamene, mwanda muntu ese bebahushishe bakwete kwakula muntu n’adi’edimi, muntu n’adi’edimi.

Mateo 4:13

Bakatukile mu Nasaleta, bayile mu kushāla ku Kahanauma, kibalo ki ku bukunkula bw’eshiba, ku mahia a Sebuluna na Nefatale.

Mako 2:2

Kahindji na kano kubebungile bantu be bungi, anka kubakutshilwe sunga kihindji, na ha kibelo henyi, n’e bebalungwile mikāndu-yibuwa.

Mako 3:20

Kibumbu kibebungile dimo hamune, ta mbamone sunga mwa kudila (bidībwa,) ooo.

Mako 7:17

Binyibiabia habalekyele kibumbu kia bantu ku kibelo, batwelele mu nshibo, bana be ba bukishi abamwihwishe mwanda w’alwa lukindji.

Mako 9:28

Habatwelele mu nshibo, bana be ba bukishi babamwihwishe ku bukunkula’shi: A tukutshīlwe kumubingila na minyi?

Luka 4:23

E, bebalungwile’shi: Binyibinyi anukangyele luno lukindji’shi: Obe ñanga ehash’obe na mwinyi: Biatubahushishe bibakitshinwe mu Kahenauma, okite namu muno mu nsenga yenu.