Mako 16:19 - KILOMBENO KIHYA KIA NFUMWETU YESU KIDISITU

¹⁹ Henyihaha Nfumwetu Yesu habahwile kwibalungula biabia, badi mutambwilwe mwiilu, bashale ku mboko yibalume y’Efile Mukulu.

Mako 16:19 Referans Kwoze

I Petelo 3:22

e tabahwile kutwela mwiilu, mushale namu ku mboko yibalume y’Efile Mukulu; bamwikeilu na bamatalwa na babukome ababofwishwe kwadie.

Bena Bahebelu 1:3

e biadi mbadibadi ya ntumbo ye, na nkyebukilo yi’anka hamune yi a na mwinyi, na kwikasha bintu bioso ku bishima bibakwilwe mu bukome bwe, habahwile e na mwinyi kutosha milwisho yetu, bashalele ku mboko yibalume ya mukata mukilekile a’mwa mwiilu;

Bena Bahebelu 12:2

twikyebulei kwi Yesu, kimankinda na mukumbashi a lukumino, winyi e ha mwanda wa kusehela kubatudilwe ku mpala kwe, bañyinamene (ku) nkulusu, basabulwile būfu, tadi mushale ku mboko yibalume ya luhun’a nsulu lw’Efile Mukulu.

Bena Loma 8:34

Akebahīsha a nanyi? Kidisitu Yesu bafwile, anka babushishwe ku lufu, bino tadi ku mboko yi balume y’Efile-Mukulu, tanga kwitusengyela kwanka.

Bikitshino 2:33

Binyibiabia tadi mukamishibwe ku mboko yibalume y’Efile Mukulu, na habatambwile kwi Shye mulayilo wa Kikudi-E-Selelee, e bahongwele kino kianumono na kianuhusha binobino.

Bena Bahebelu 8:1

Biabia kihatulwilo kiatubākwile (kino nyi) kikumbesho; Atwe twi na tshiite-mwakwidi-mukata e biabia, tahwile kushala ku mboko yibalume ya luhun’a-nsulu lwa winyi mukilekile kinemo e mwiilu;

Bena Kolose 3:1

Binyibiabia su nwibabushwe na Kidisitu, nwikal’anukyebe bintu bi mwiilu, nyi mushāle Kidisitu ku mboko yibalume y’Efile Mukulu.

Yoano 20:17

Yesu bamwambile’shi: Tonkumanga, Mwanda nkimubandjile kukaminwa mwiilu kwa Shami: anka nda kwi bakwetu bande na kwibalungula’shi: Ami nakamina mwiilu kwi Shami, na Shyenu, kw’Efile Mukulu ande, n’Efile Mukulu enu.

Bena Bahebelu 6:20

Nyi mwinyi mubetutwelele’wa betubadidile, nyi ng’Yesu, tadi bu tshiitemwakwidi-mukata, mpaa na kwikala-ika mwiyile mulongo wa Meletshīsedeka.

I Temote 3:16

Kinyi kifibwe kia bwin’Efile Mukulu nkikata kishī kia mpaka, ooo; E bafumbwilwe mu bia mbidi, babangishwe mu Kikudi-E-Selelee, bamwenwe na bamwikeilu, balungulwa munkatshi mwa milo (ya bantu) bakuminyibwe hanohansenga, batambwilwe mwiilu mu ntumbo.

Yoano 6:62

Su anukamona Mwan’a Muntu akamina mubadi kwibedi, a na minyi?

Luka 9:51

Bitabibakitshine, habadi mafuku akwatshibwa kwe tadi akumbana, bashinyikile mpala kwenda ku Yelusalema.

Bena Bahebelu 9:24

Mwanda Kidisitu tamutwēle mu bihatulwe-bikishila bikitshibwe na maasa, bi bu bihwandjikisho bi’abia biabinyibinyi, ooo; anka mwiilu mwi na mwinyi, ku mweka ku mpala kw’Efile Mukulu ha mwanda w’atwe;

Bena Bahebelu 7:26

Biabianyi bibadi tshiite-mwakwidi-mukata ha mwanda w’atwe, muhatulwe e-kishila, shī na mwanda, shī na biko bi’eshimba, mulamunwe ku balwishi, tadi mukile mailu bukata;

Bena Bahebelu 4:14

A binyibiabia biosobi twi na tshiite-mwakwidi-mukata, bahwile kutwela mwiilu, nyi Yesu Mwan’Efile-Mukulu, tushimate hoo lukumino lwetu.

Bikitshino 3:21

Nkihwandjikile mwiilu kumutambula mpaa na ku bihindji bia kulumbula kwa bintu bioso, bibakwile Efile Mukulu ku kanwa kwa batemuki be bahatulwe-be-kishila, kasha babangile hanohansenga.

Yoano 21:22

Yesu bamwambile’shi: Su nankyebe’shi, ayishe mpaa na hankafiki, a ngobe mwanda su? obe ndonde’mi.

Yoano 21:15

Binyibiabia habahwile kudia, Yesu bakwile kwi Shimona Petelo, mwan’a Yonasa’shi: We n’ami kifulo kikile yino su? Bamwalulwile’shi, Uolo Mwanana, weuku’shi, ami nyi n’obe kifulo. Bamwambile’shi: Disha bana bande ba mikoko.

Yoano 17:13

Biabia binobino, nami yawa afu kodi, na yino myanda nakula hano-ha-nsenga, mwanda kwambashi, muloo wande ukumbashwe munda wabo.

Yoano 16:28

Nantukile kwi Yaiya nafika hano-ha-senga; dimonyi nankatuka ha nsenga, nende kwi Yaiya.

Yoano 13:1

Biabia habadi Bidibwa bia Kukila kwa Yeowa takwafikile, Yesu beukile’shi: kihindji kie kibafiki kwandji a kukatuka hano-ha-nsenga, kwenda kwi Yaiya, E badi na kifulo na bantu b’E ba hano-ha-nsenga, E nabo kifulo mpa na kunfudilo.

Mako 16:20

Binyibiabia babakatukile, babakalungwile mwanda w’Efile Mukulu kosokoso; winyi Nfumwetu namu kwete kwibafubisha hamune n’abo, kwete kunyisha mwanda namu ku bitundwilo abibelondena. Amena.

Luka 22:69

Kubanga lelo uno mpaa na ku mafuku e ku meso, Mwan’a muntu akashala ku mboko yibalume ya bukome bw’Efile Mukulu.

Bikitshino 1:22

Kubanga ku lubatshisho lwa Yoano, mpaa na kwifuku dibetutambwidilwe mwiilu munkatshi mwetu, ku bano nkuhwandjikile kusangulwa umune kwikala n’etu bu kamonyi ka lusangukilo lwe.