Mako 14:1 - KILOMBENO KIHYA KIA NFUMWETU YESU KIDISITU

¹ Hakubakile mafuku abidi bidibwa (bikata) bia Paque na bia mukate ushī na kitatusho bibafikile; batshiite-bakwidi bakata na bafundji ba mikanda, bakyebele mwa kumukwatshila na bulamalama’shi, tumwihe.

Mako 14:1 Referans Kwoze

Yoano 13:1

Biabia habadi Bidibwa bia Kukila kwa Yeowa takwafikile, Yesu beukile’shi: kihindji kie kibafiki kwandji a kukatuka hano-ha-nsenga, kwenda kwi Yaiya, E badi na kifulo na bantu b’E ba hano-ha-nsenga, E nabo kifulo mpa na kunfudilo.

Yoano 11:47

Binyibiabia, batshiite bakwidi na baFadiseo, babebungile mu lukuku, babambile’shi: Tukite na minyi? mwanda uno muntu kwete kukita bilengeleshi bibungi.

Mateo 12:14

Henyihaha Baladiseo abakatukile, abamudidile lukuku’shi: Atukamwihayila bi kunyi?

Mateo 6:2

Binyibiabia hokitshi biabuntu (biobe) ha kuhana, twelanga mpungi kumpala kobe, bu amukitshine bansesa mu bitumbwilo na mu mpata, mwa biadia kutumbishibwa kwi bantu. Nenulungula, binyibinyi’shi, abakwete kutambula bwedi bwabo.

Mako 14:2

Anka babākwile’shi: Kushī h’efuku dia bidibwa bikata (bia Hashika) ooo, tala akukekala eunga dia bantu kwanka.

Mako 14:12

Habafikil’efuku dia kwibedi dia mukate ushī na kitatusho diabehayile bana mikoko ya Paque, bana be ba bukishi babamwihwishe’shi, Okyebe twende tukakulumbulwile hodia kudila Paque kwi kunyi?

Bikitshino 12:4

Habamukwete, bamwele mu nshibo ya lukano, bamutudile kwi basalai abadi abeangushena bananka bananka mu kumulama; abadi abafuna munda’shi; ahakahu kidibwa kia Paque, atukamufisha kwi bantu.