Mako 13:9 - KILOMBENO KIHYA KIA NFUMWETU YESU KIDISITU

⁹ Anka dimukai anwe bana bene, mwanda abakenufishe mu bīmu bia basushi, anukakuhilwa mu bitumbwilo, abakenufishe namu ku meso kwa batontshi, na ku meso kwa bafumu ha mwanda wande, na kwikala bu kitundwilo ku meso kwabo.

Mako 13:9 Referans Kwoze

Yoano 16:2

Abakenutusha mu bitumbwilo: binyibinyi kihindji akikafiki, kia yawa akwinwiha akatentekesha’shi; Nafubu mufubo w’Efile Mukulu.

Mako 13:5

Henyihaha Yesu bālulwile na kwibalungula’shi: Dimukai, tala muntu akenulubisha.

Kibafumulwe 2:13

Neuku (bikitshino biobe) na kodi mubombele, nyi kwi luhun’a nsulu lwa Satana: olamate kwishina diande, kushī kutuna lukumino lwande, sunga mu ā mafuku a Antepase kamonyi kande ka kishima, bayihailwe munkatshi mwenu, mubombele Satana.

Kibafumulwe 2:10

Totshinangā’ya myanda (yamalwa) yiotokyebe kukala, sunga ngumune; talanga, kafilefile takyebe kwela bamo b’enu mu nshibo ya lukano nutompibwe; anukamono bishiotshi mafuku ekumi; wekale mushimate mpaa na ku lufu, n’ami nankakuha kilongo kia muwa.

Kibafumulwe 1:9

Ami Yoano, mukwenu, mubungilwe n’enu mu bishiotshi, na mu bufumu na mu kukankamana kwa Yesu Kidisitu, nadi mu kila akitemuna bu Patamosa ha mwanda wa Mwanda w’Efile Mukulu na ha bulungudi bwa Yesu.

Ii Bena Tesalonika 1:5

abio nyi kitundwilo kifumbulwe hatoka kia kitshibilo kilulame k’Efile Mukulu; eshi nwikal’anutemunwa bu balombene mbufumu bw’Efile Mukulu, nyi bwanufwambukila.

Bena Fidihai 1:29

Mwanda nkihebwe kwanudi ha mwanda wa Kidisitu, tananka’ko kukumina mwadi e, anka kufwambuka namu ha mwanda we;

Bikitshino 21:11

Habafikile kwatudi, bātshile kikoba kia Paulu, beanyine e na mwinyi ku mikolo na ku maasa e, bākwile’shi: Nyi mubesambila Kikudi-E-Selelee’shi: Anka biabia Bena Yuda be ku Yelusalema, abakānya muntu sha kino kikoba bu bino, bakamufishe mu maasa a Badjentaila.

Bikitshino 9:16

Mwanda nankamulesha mwakafwambukila mu bintu bibungi ha mwanda w’eshina diande.

Bikitshino 7:54

Habahushishe yino myanda abatahilw’e ’mashimba, bamudila mayoo.

Yoano 15:20

Tentekeshai mwanda unenulungwile’shi: Mpika tamukile Nfumwe. Su abambingabinga’mi, abakenubingabinga namu; su abalamine mwanda wande, abakalama wenu namu.

Luka 9:5

Boso bashyabakenukukila, hakukatuka ku kiakia kibalo, nwikukule lufūfi lwa ku ngwā yenu kwikala bu kamonyi ku mpala kwabo.

Mako 6:11

Baba bashī abakenutambula, sunga kwinwifwakena, hanwibō hanka nwibakukwile lufūfi ku ngwa yenu, kwikala bu kishingulwilo kwabadi. Binyibinyi nenuamba’shi, ahakafiki adi’efuku dia kimu, bushito bwa malwa bwa kiakia kibalo bukakidi a malwa a Sodomo na Ngomolo.

Mako 1:44

Tamwamba’shi; Tala, tokalungulanga muntu; ndokelese obe namwinyi kwi tshiite-Mwakwidi, kamtilubwile bibambile Mosesa, mwanda kwikala bu kitundwilo kwabadi ha kuhwishibwa kobe.

Mateo 5:22

Anka’mi nenulungula’shi: Muntu ese e na mukwabo nsungu bisumanga, tadi ha kwelwa mu kiniu, anka muntu ese akatemune mukwabo Laka, tadi hehi ha kutushwa ku kilumbeno kia bakulu, anka muntu ese akākula’shi: Obe we mulubi, tadi hehi ha kwelwa mu kālo ka Ngehena.

Mako 13:8

Mwanda ungi mwīlo aukatuku ungi mwīlo, na bungi bufumu abukatuku bungi bufumu, nsenga namu ayikatenkatenka mu bihindji bikwabo, na bihuha bia nsala abikamweka na malwa, abio bioso nyi bia kumbangilo bia bishiotshi bimoo.

Ii Yoano 1:8

Dikumai anwe bana bene’shi, tala nwakashimikā’bia bintu biatubakitshine, anka’shi, nutambule bwedi bukumbane.