Mako 13:23 - KILOMBENO KIHYA KIA NFUMWETU YESU KIDISITU

²³ Anka dimukai anwe; Talangai tampwile kwinulungula myanda yoso kwibedi.

Mako 13:23 Referans Kwoze

Ii Petelo 3:17

Binyibiabia anwe batomibwe kifulo, ha kwiuka yino myanda kwibedi, dimukai, tala’nwe (namu) ha kōngolwa na kuluba kwa bebubi, anukahono ku kushimata kwenu ku na mwinyi.

Yoano 14:29

Binobino nahu kwinulungula uno haushiabandjile kufika’shi; haukafiki nukakumina.

Luka 21:8

E bālulwile’shi: Dimukai tanubembulwanga: mwanda bebungi abakafiki mwishina diande’shi: N’ami Kidisitu; na kihindji takidi hehi; biabia tanwibalondanga.

Mako 13:5

Henyihaha Yesu bālulwile na kwibalungula’shi: Dimukai, tala muntu akenulubisha.

Luka 21:34

Nudimukei anwe bana bene kutshina’shi: tala mashimb’enu akanemenwa na bidiafi na kukolwakolwa, kukalakashwa kwa uno muwa, biabia adi’efuku adikenuhulumukila.

Mako 13:33

Dimukai, nwikalei na kutengyela na luteko namu, mwandā’nwe ta nwiuku ahakafiki kiakia kihindji.

Mako 13:9

Anka dimukai anwe bana bene, mwanda abakenufishe mu bīmu bia basushi, anukakuhilwa mu bitumbwilo, abakenufishe namu ku meso kwa batontshi, na ku meso kwa bafumu ha mwanda wande, na kwikala bu kitundwilo ku meso kwabo.

Mateo 7:15

Dimukai batemuki bamadimi abafiki kwanudi mu misokya ya mikoko, anka munda mwabo be bu tumishi twi na bukyelo.

Mateo 24:25

Talai, tampwile kwinulungula kwibedi,

Mako 13:22

Mwanda kukabukanga bakidisitu ba madimi, na batemuki ba madimi, abakalesha bitundwilo na myanda ya kukanya, ha mwanda wa kubemba benyi bantu abasangulwe kw’Efile-Mukulu, su babadi akwiuku kukitshina biabia.

Mako 13:24

Anka mu aa mafuku, kiakia kia malwā’kata hakibakidi, nguba aikakekala mufito, na mweshi taukatoko.