Mako 12:6 - KILOMBENO KIHYA KIA NFUMWETU YESU KIDISITU

⁶ Anka mwan’e kushala abatandjile, mwan’e mukuminyibwe na kifulo, bamutumine kwabadi kunfudilo, bambile’shi: Abakandemekyela mwan’ande.

Mako 12:6 Referans Kwoze

Yoano 1:34

N’ami namwene, nesambile bu kamonyi’shi: Uno nyi Mwan’Efile Mukulu.

Mateo 3:17

Talangai, eyi dibatukile mwiilu’shi: Uno nyi Mwan’ande andji mukumine, mwadi e nyi na musanku.

I Yoano 4:9

Mu uno nyi mubamwekyele kifulo ki’Efile Mukulu kwatudi’twe, mwanda’shi, Efile Mukulu batumine Mwan’e eleka mutandwe hanohansenga, mwatudia kwikala na muwa hadie.

Bena Bahebelu 1:6

Dimonyi, hakufwisha Mwan’e a mbedi hanohansenga, amba’shi: Bamwikeilu boso bamulangwile;

Yoano 5:23

Eshi, boso bakanemeka Mwana, anka hamune mwabanemeka Yaiya. Awa shi anemeka Mwana, ta munemeka Shye bamutumine.

Yoano 3:35

Yawa afula Mwana kifulo, bamuhele namu bintu bioso mwiasa di’e.

Yoano 1:49

Natanyele bamwalulwile’shi: Labi, obe we Mwan’Efile Mukulu, obe we Nfumu a Isalele.

Yoano 1:18

Takwi muntu sunga ngumune bamwene Efile Mukulu sunga mpahelahela, winyi Mwan’umun’enka eleka E mu kiadi kia nshye; ñanka E bamutemwine.

Yoano 1:14

Biabia winyi Mwanda ubalulukile taudi bu muntu, abombela munkatshi mwetu, (twabandjila ntumbo ye, ntumbo yinyi bu ya mwan’eleka kwi nshye,) muule bu muntu na biabinyibinyi.

Luka 9:35

Biabia eyi dibatukile mwikumbi’shi: Uno nyi Mwan’ande a kifulo: Numwifwakene.

Luka 3:22

Henyihaha Kikudi-E-Selelee bayikile hadi na mwikēlo wa mbidi bwikutshi, n’eyi dibatukile mwiilu’shi: Obe we Mwan’ande a kifulo, modibe nyi mu nasehela bibi.

Mako 9:7

Kubafikile ekumbi dibebahutshile, n’eyi dibatukile mwikumbi’shi: Uno nyi mwan’ande mufudibwe kifulo, hushai eyi die.

Mako 1:11

Biabia mubatukil’eyi mwiīlu’shi, obe e Mwan’ande akukuminwa andji mutokyele’shimba.

Mateo 26:63

Anka Yesu bauminyine nyaa. Binyibiabia tshiite-mwakwidi mukata bālulwile, bamulungwile’shi: nakutshihila mutshiho kw’Efile-Mukulu a muwa ami’shi, wetulungule su n’obe Kidisitu Mwan’Efile-Mukulu.

Mateo 17:5

Habadi kwete kwakula, talangai, ekumbi ditoka selelee dibebahutshile; talangai, eyi dibatukile mwikumbi’shi: Uno nyi mwan’ande a kifulo andji mutokyele mwishimba, numuhushei.

Mateo 11:27

Bintu bioso bibampelwe kwi Yaiya, takwi muntu euku Mwana, anka Yaiya; sunga muntu euku Yaiya, anka Mwana, na yawa kwi ese muntu Mwana akamufumbula.

Mateo 1:23

Talai, mukashi ki kamame akayimite efu, akatande mwana mulume, abakamūdike eshina dia bu Emanyuele, nyi nkuhatula’shi: Efile Mukulu E n’etu.

Mako 12:5

Dimo’nyi batumine mungi, yaw’abamwihayile, batumine’nyi bangi be bungi, bangi namu babakuluhilanga, babehayilwe.

Mako 12:7

Anka badimi baba, babumbishenene’shi: Au nyi muhianyi, twende tukamwihei, biabia buhianyi abukekala bwetu.

Iii Yoano 1:1

Mukulu kwi Ngaiusa mutomibwe kifulo andji mufule kifulo mu biabinyibinyi.