Mako 11:23 - KILOMBENO KIHYA KIA NFUMWETU YESU KIDISITU

²³ Mwanda binyibinyi nenwamba’shi: Muntu oso akāmba ngulu uno’shi, otentule, okēlwe mwishiba dia mema; e namu te na mialasheno kwishimba kwe, ank’e akakumina’shi, bioso bianyiakula abikamweka, biabia akamono’nka mubakwidile.

Mako 11:23 Referans Kwoze

Mateo 17:20

Yesu bebalungwile’shi; Mwanda wa kushīlukumino lwenu; mwanda binyibinyi nenulungula’mi’shi: Su anwe nwi na lukuluhilo aluhwandjikila na katete ka mutāde, anukalungula yino ngulu’shi, katuka kuno wend’ekwaa, n’ayo ayikakatuka; takukekala kintu akikenukambila.

Yoano 15:7

Anwe, su anwikekala mwimi, na myanda yande ngikale munda mwenu, nutekye kioso kia nutekye, akenukitshina bianka.

Mateo 21:21

Yesu bebālulwile’shi: Binyibinyi nenulungula’shi: Su nwi na lukuluhilo, na kushī kwalashena mwishimba, tanukakitshi anka bu bibakitshinwe ku mutshi wa kikūku, anka anukalungula namu yino ngulu’shi; yikatushwe, yiedibwe mwishiba, biabia akikakitshibwe.

Yoano 14:13

Anka kioso kianukatekye mwishina diande, su nkinyi, su nkinyi, nankenukitshina kianka’shi, Yaiya atumbishwe mu Mwana.

Luka 17:6

Nfumwetu bālulwile’shi: su nubadi na lukuluhilo bu kamuma ka mutshi wa mutade nwi bianudia kwakula ku uno mutshi wa (buki) syeamine: wekale mu shūdikye mpa na ku mishi, okyekune mu kalunga ka mema; n’au aukenukokyela.

I Bena Kodinda 13:2

Na su nyi na kiabuntu kia lutemuko lwa myanda, na kushingula bifībwe na biyukilo bioso; sunga nyi na lukuluhilo loso namu lwa kukasha mangulu, n’ami nki na kifulo, (biabia) nyi bu bisumanga.

Mateo 14:13

Habeuhushishe Yesu, bakungulukile hanka mu bwato, mpaa namu kabāka ka ku luhese; habeuhushishe bibumbu, bibatukile mu bibalo, bibamulondele mu ngwa.