Mako 10:21 - KILOMBENO KIHYA KIA NFUMWETU YESU KIDISITU

²¹ Binyibiabia Yesu bamutadile nyaa, bamufudile kifūlo, bamulungwile’shi: Kubakushala’nka kimune, nda, okahane biodi n’abio bioso, okebihe balanda, biabia okamono buheta mwiilu, olukye, eboshe nkulusu, ondonde.

Mako 10:21 Referans Kwoze

Kibafumulwe 2:4

Anka nyi n’obe uno mwanda’shi: bolekye kifulo kiobe kia kwibedi.

Luka 10:42

Anka kintu kimune ki lukalo, na Madiya basangwile kiakia kihindji kibuwa kishyakikamwatwa kwadi ooo.

Yakoba 2:10

Mwanda muntu ese akalama mukanda-wa-bishila ushima, su alemana mu kimune e ’muhishwe ku bioso.

Bikitshino 2:45

Biabia abahena biabuheta bwabo na bingi bintu, tabābila’bio kwi boso bashī n’abio.

Luka 18:22

Binyibiabia hahushishe Yesu yino myanda, bamulungwile’shi: Bolobesha kintu kimune: hana biodi nabio bioso, webiabile balanda, n’obe okekala na bineme mwiilu, biabia ofikye, ondonde.

Mateo 16:24

Biabia Yesu balungwile bana-be-ba-bukishi’shi: Su muntu akyebe kundondo ehele na mwinyi, āte nkulusu ye, andonde.

Kibafumulwe 2:20

Sunga mbiabia nyi n’obe uno mwanda’shi, bolekyela (yawa) mwana mukashi Yesebela, etemuna na mwinyi bu mutemuki; kwete kulambukisha na kubembula bafubi bandebakite lukyebanokyebano, na kudia bintu bitahilwe mankishi.

Kibafumulwe 2:14

Anka nyi na myanda yibadidye kodi, mwanda kwakwa kodi we na bamo balamate ku lulambukisho lwa Balāma, winyi balambukishe Balaka kutula kia kukokosha ku mpala kwa Bena Isalele; na kudia bintu bitahilwe mankishi, nakukita lukyebanokyebano.

Bena Bahebelu 10:34

Mwanda nubadi n’ami kanya mu nkano yande, na kufinwa kwabintu bienu, nubadina mashimba soo, hakwiuka munda mwenu’shi, (amwa) mwiilu nwi na buheta bukile buwa bushī mpwilo.

Luka 12:33

Nuhanei bia nudi n’abio, nuhane bia-buntu; nwifishishe kwi’ nwe bana bene madimba ashyakakulu, kintu kineme mwiilu kishī na nfudilo, amo (namu) sunga ngifi takefubula hehi, sunga nkēshi kakulwisha kianka.

Mako 8:34

Yesu habetamine kibumbu kwadi, na bana be ba bukishi namu, bebambile’shi: Ese akyebe kundonda, ehele e na mwinyi, eboshe nkulusu ye, andonde.

Luka 19:41

Habafikile hehi bamwene kibalo, ekidila mpolo,

Luka 9:23

Bebalungwile boso’shi: Su kwi muntu akandondo, ehele na mwinyi, eboshe nkulusu ye kwifuku n’efuku, andonde.

Mateo 19:21

Yesu bamulungwile’shi: S’okyebe kwikala mulombashwe mpaa, nd’okahane bioso biodi n’bio, okebihe balanda, biabia biokikamona bineme mwiilu; ofikye, ondonde.

Ii Bena Kodinda 12:15

Nankasehela bikata kwishidisha na kushidishwa ha mwanda wa bikudi bienu; su nyi n’enu kifulo kikata, ami nyi nfudibwe kifulo kihela.

Yoano 16:33

Nenulungwile bino bintu ami’shi, nwikale na kufukama mwandji mi. Hano-ha-nsenga anukamono bishiotshi bia malwa: anka nyishei mashimba enu; Ami nahu kuobesha ba-hanoha-nsenga.

Yoano 12:26

Su muntu anuma, andonde; kwandji mwikale, mufubi ande namu akekala kwanka: su muntu ānumā, Shami akamunemeka.

Luka 16:9

N’ami nenulungula’shi: Nwiatshilei bukūku bwa buheta bwa bishībilulame’shi: hanukatudila, abakenutambula mu mashibo a ikala-ika.

Ii Temote 3:12

Ee, boso batee mashimba ku bwin’Efile kubingwabingwa nyi nkwabo.

Mako 10:22

Anka haba-hushishe yaya misambo boñamine, bakatukile, bayile n’eshimba difita; mwanda e badi mpeta mukata.