Mako 10:14 - KILOMBENO KIHYA KIA NFUMWETU YESU KIDISITU

¹⁴ Anka Yesu hakumona biabia badi mufitshilwe kwishimba, bebamba’shi: Kuminai bana bahela bafike kwandji’mi, ta nwibatoshanga, mwanda bufumu bw’Efile-Mukulu mbwabo.

Mako 10:14 Referans Kwoze

Mateo 19:14

Anka Yesu bambile’shi: Kuminai bana bakinga, tanwibatoshanga kufika kwandji’mi, mwanda bufumu bwa mwiilu nyi anka bu abo.

Mateo 18:10

Dimukai, tanubendanga umune a bano bana, mwanda nenulungula’shi: Mwiilu bamwikeilu babo ababandjile mafuku oso mpala ya Shami e mwiilu.

Mateo 18:4

Binyibiabia muntu oso akehelesha bu uno mwana, e winyi mukile bukata mu Bufumu bwa mwiilu.

I Petelo 2:2

bu bana bakī batoka, nwikale na kulakila mabele a biabinyibinyia Mwanda (w’Efile) ’shi, nukule n’ao mpaa na ku kihandjilo.

Ii Temote 3:15

Tobohwile lewiuka Bifundwe bilamunwe-bikishila ku bukinga, (bobe) biuku kukuukisha binangu mpaa na ku kihandjilo, mu lukuluhilo lwi mu Kidisitu Yesu.

Kibafumulwe 14:5

Mukanwa mwabo tamusananwe madimi, ooo; tabe na kilema.

Ii Temote 1:5

ha kunangushena lukumino lushī na bulamalama lwi munda mobe; lubabadidile kwibedi munda mwa nyin’obe-kulu Loisa, na mwa nyin’obe Eunise, nyi musumine’shi, lwi munda mobe namu.

Bena Efisesa 4:26

Nwikale na nsungu, kushī kusola mwanda, tanuhoneshanga nguba na bukyelo bwenu, ooo;

I Bena Kodinda 14:20

Bakwetu tanwikalanga bu bana mu nangunangu ooo, anka mu kifita nwikale bana; mu nangunangu nwikale bakulu.

I Bena Kodinda 7:14

Mwanda mulume shī mukumine, mushidikwe kwi mukashi e, na mwana mukashi shī mukumine ’mushidikwe na mulume e: su tambiabia, biabia bana benu tambatoshibwe; anka binobino mbatoshibwe.

Bena Loma 11:28

Binyibiabia mulombene mukāndu wibuwa aba mbamushikwa ha mwanda w’anwe anka mulombene kusangulwa, babadi bakuminyibwe ha mwanda wa bashetu-kulu.

Bena Loma 11:16

Su bikuba bia kwibedi bi lamunwe bikishila, biabia abilondo namu bi lamunwe bikishila, su mushi (ngukambe) wilamunwe wi kishila, biabia na ntabi yinyi mpamune.

Bikitshino 3:25

Anwe nwi bana ba batemuki, na ba kihwano kibakitshine Efile Mukulu na banshyenu-kulu, habākwile kwi Abalahama’shi: Mu kekulu kobe bifuko bioso bia hanohansenga abikēlwa mwabi.

Bikitshino 2:39

Mwanda winyi mulayilo ngwenu, na kwi bana benu, na kwi boso be kula, mpaa na kwi boso abaketaminyibwa kwi Nfumwetu Efile Mukulu.

Mako 8:33

Anka habālulwile kutala bana be ba bukishi batosheshe Petelo’shi: Kile kumongo kwande, obe Satana, mwanda obe twe na kanya ka bintu bi’Efile-Mukulu, anka ku bia bantu.

Mako 3:5

Hakubatala na kukyengwila boso na meso a nsungu, na kwishimba fututū mwanda wa kukoma kwa mashimba’bo, E bākwile muntū’wa’shi: Ola mboko yobe! N’e bōlwele yanka; na mboko ye yibealulwile, tayidi bukome hamune na yikwabo.

Mateo 5:3

Mwabi kwi balanda mwishimba, mwanda bufumu bwa mwiilu mbwabo.

Mateo 5:10

Mwabi kwi’bo abamweshibwa malwa ha mwanda wa kululama kw’eshimba; mwanda bufumu bwa mwiilu mbwabo.

Yoano 3:3

Yesu bamwalulwile’shi: Binyibinyi, binyibinyi biankulungula’shi: Su muntu takatandjibwa diakabidi, tanakamone bufumu bw’Efile Mukulu, ooo.

Yoano 3:5

Yesu bālulwile’shi: Binyibinyi binyibinyi biankulungula’shi: Su muntu tamutandjibwe ku mema na ku Kikudi-E-Selelee, biabia tanakatwele mu bufumu bw’Efile Mukulu, ooo.