Mako 1:5 - KILOMBENO KIHYA KIA NFUMWETU YESU KIDISITU

⁵ Kubamutukile kwadi ba mu mahia oso a Yudea, na ba mu Yelusalema hanka; babadi ababatshishwa n’e boso mu lui lwa Yodana, tabasokola milwisho yabo.

Mako 1:5 Referans Kwoze

Bikitshino 19:18

Bebungi namu ba mu baba abakuminyine, abafikile kwifukula myanda, na kulesha bikitshino biabo.

Bikitshino 2:38

Binyibiabia Petelo bebālulwile’shi: Elangei ’māshimba, nubatshishibwe boso bwenu mwishina dia Yesu Kidisitu, mwanda wa kulekyelwa kwa milwisho, biabia anukatambula buntu bwa Kikudi-E-Selelee.

Yoano 3:23

Yoano namu badi abatshisha mu Enone, hehi na ku Saleme, mwanda’ko kubadi mema e bungi; abafikanga babatshishwa.

Yoano 1:28

Yino myanda yibakitshinwe mu Betabala adi’eshia dia Yodano kubadi Yoano abatshishā.

Mateo 4:25

Biabia bibumbu bikata bibamulondele, bibafikile ku Ngadilea, na ku Dekahodi, na ku Yelusalema, na ku Yudea, na kwishīya dia Todano.

Mako 1:4

Yoano bafikile babatshishia mu kabāka, na kulungula myanda ya kubatshishia kwa kwīlanga kw’eshimba’shi; Milwisho yabo yishimishibwe.

Mako 1:6

Yoano badi mufwale buaa bwa (nyama) shamo, na kikoba kia musokia mu kifuka: kudia, adi anka nshīye na būki bwa mu mahia.

Yoano 5:35

E badi etala aditembe n’etata ditoka soo: anwe nubakuminyine kikindji kusehela mwitata die.

Yakoba 5:16

Nwisokoshenei milwisho yenu, na kwdtekyeshena’shi, nuhashibwe. Luteko lwa kukankamana alukitshishā’lwa muntu mululame alukitshi bikilekile.