Mako 1:21 - KILOMBENO KIHYA KIA NFUMWETU YESU KIDISITU

²¹ N’abo abayile, abatwele mu Kahanauma, n’awa nguba e batwele mu kitumbwilo ha dla Sabado, talambuukisha.

Mako 1:21 Referans Kwoze

Mako 6:2

Habafikile efuku dia Sabado babangile kulambukisha mu kitumbwilo; bebungi habahushishe abakanyine’shi: A uno muntu bātshile yino myanda kwi kunyi? anka nkalolo kinyi kabamuhebwa ka kukita bino bikitshino bikata ku maboko E?

Mako 1:39

Henyihaha badi ebalungula mikāndu-yibuwa mu kitumbwilo kiabo, na moso mu Ngadilea, na kubinga mikishi mwanka.

Mateo 4:23

Yesu batambukile luhese lwoso lwa Ngadilea, balambukishe mu bitumbwilo biabo, balungwile mukāndu wibuwa wa bufumu bwa mwiilu, bahashishe bihaso bioso bia masungu, na kubofula koso kwa mbidi kwa bantu.

Bikitshino 17:2

Paulu batwelele mubadi kihikwa kie, na ha mafuku asatu a Sabado, badi ahatulushena n’abo ku Bifundwe bi’Efile.

Bikitshino 18:4

Biabia bahakenye n’abo mu kitumbwilo ku Sabado ku Sabado, bakonkwelele bena Yuda na Bangidiki bakumine.

Mateo 4:13

Bakatukile mu Nasaleta, bayile mu kushāla ku Kahanauma, kibalo ki ku bukunkula bw’eshiba, ku mahia a Sebuluna na Nefatale.

Luka 13:10

Binyibiabia badi alambukisha mu kitumbwilo kimune; h’efuku dia Sabado.

Luka 10:15

N’obe Kahaneuma bokamishibwa kwiilu, okayishibwa mu kalunganyembo.

Luka 4:16

Bafikile ku Nasaleta ku bakudile, batwēle mu kitumbwilo h’efuku dia Sabado, bu bibadi kihikwa kie, baimene kubala (mukanda w’Efile Mukulu).

Mako 10:1

Henyihaha Yesu bebwele kwanka, bafikile mu bukunkula bwa Yudea, ku di’eshiya dia Yodana; bibumbu bia bantu bibamukoñene kwadi, n’E bebalambukisha dimo, bu kibadi kihikwa kie.

Mako 2:1

Habakile mafuku (Yesu) batwele dimo mu Kahanauma, abahalakeshe ntumbo’shi E mu nshibo.

Mako 1:20

Kahindji n’āka bebetanyina, n’abo abalekyele shabo Sebede na bafubi m’bwato, tabamulondo.

Mako 1:29

Ku mongo, hakutuka mu kitumbwilo, babatwele mu nshibo ya Shimona, na Andeleyo; Yakoba na Yoano babadi n’abo.

Mako 1:33

Na kibalo kioso kibamwibungile hamune ku kibelo.

Mako 3:1

N’E batwēle dimo mu kitumbwilo, amo mubadi muntu badi na mboko yiume.

Luka 4:23

E, bebalungwile’shi: Binyibinyi anukangyele luno lukindji’shi: Obe ñanga ehash’obe na mwinyi: Biatubahushishe bibakitshinwe mu Kahenauma, okite namu muno mu nsenga yenu.