Luka 6:30 - KILOMBENO KIHYA KIA NFUMWETU YESU KIDISITU

³⁰ Kwi muntu oso enutekye, omuhe; n’awa akukwata bintu biobe, tomukyendanga.

Luka 6:30 Referans Kwoze

Ii Bena Kodinda 8:9

Mwanda anwiuku bumuntu bwa Nfumwetu Yesu Kidisitu’shi, sunga badi mpeta, bealulwile bu mulanda ha mwanda wenu’shi, anwe mu bulanda bwe nwikale bampeta.

Bikitshino 20:35

Mu bintu bioso nenulesheshe’shi, hakutuhwita mufubo wanudi n’au mbihwandjikile’nwe kukankamishā’bo batūba, na kunangushena bishima bia Nfumwetu Yesu, bibākwile’shi: Mwabi wa kuhana, ngukile wa kuhebwa.

Mateo 6:12

Etulekyele kusola kwa myanda yetu bu mwatubalekyela be n’etu kusola kwa myanda.

Luka 18:22

Binyibiabia hahushishe Yesu yino myanda, bamulungwile’shi: Bolobesha kintu kimune: hana biodi nabio bioso, webiabile balanda, n’obe okekala na bineme mwiilu, biabia ofikye, ondonde.

Luka 12:33

Nuhanei bia nudi n’abio, nuhane bia-buntu; nwifishishe kwi’ nwe bana bene madimba ashyakakulu, kintu kineme mwiilu kishī na nfudilo, amo (namu) sunga ngifi takefubula hehi, sunga nkēshi kakulwisha kianka.

Luka 11:41

Anka mbikile buwa nuhane bia buntu ku bintu bianudi na’bio; biabia bi mu bioso mbitokye kwanudi.

Luka 6:38

Nuhane, anukahebwa, kihimo kibuwa, kifitshinwe, kikonkwe hamune, kikwete kusumbuka akikenuhebwa na ku kiadi kienu. Mwanda ku kiakia kihimo kianuhimi, akikenuhiminwa kwanudi dimonyi.

Mateo 18:35

Anka biabia namu akikenukitshinwa kwi Shami e mwiilu, su anwe mu mashimb’enu, tanukalekyela bakwenu kusola kwa myanda yabo, muntu na mukwabo muntu na mukwabo.

Bena Efisesa 4:28

Yawa baihanga takumanga kwiba dimonyi; anka atuhwite mu mifubo ya maas’e mu kiakia kitumbulukye’shi, amone bia kuha yawa e na lukalo.

Mateo 5:39

anka’mi nenulungula’shi: Tanukingisha bubi, anka muntu ese akakuhila luhi kwitama dibalume omwalulwile dingi namu.

Luka 6:29

Kwi’wa akukuhila kwi’tama dimune, omwa lulwile dingi namu; akukwata mutwelo wobe, tomutunanga kuata ekotshi diobe namu.

Luka 6:31

Bianukyebe bantu kwinukitshina, biabia anwe namu kebakitei anka biabia namu.