Luka 6:25 - KILOMBENO KIHYA KIA NFUMWETU YESU KIDISITU

²⁵ Mpombo kwanudi anwe bēkute, mwanda anukakwatwa na nsala. Mpombo kwanudi anwe abasehela binobino! mwanda anukōkakana na kudila mpolo.

Luka 6:25 Referans Kwoze

Yakoba 4:9

Nunyingye mbishiotshi, nuhombei na kudila mpolo, kutanyansadi kwenu kwalulukye tēhombo, na muloo (wenu) winyongole.

Kibafumulwe 3:17

Mwanda wakula’shi: Ami nyi mpeta, nyi mufwimishe bintu, nki na kintu lukalo, tweuku namu we a kishiotshi, na kwiyongola, mulanda, mpofu, sha muswa.

I Bena Tesalonika 5:3

Mwanda liabakākula’shi: Kubafukama, ’nka nya, na kukumbana, biabia kulwishibwa akukahulumuka’nka habadi, anka hamune bu mwana mukashi asumibwa na munda mwa kutanda; biabia tabakahanda, ooo.

Bena Efisesa 5:4

sunga bikako bia būfu, sunga mīsambo ya kuhotakana, sunga muu wi bubi, tambihwandjikile, anka kutumbula na kutumbula.

Luka 13:28

Kwanakekale kudila na kukyeneka meno, hanwanakamone Abalahama, na Isaka, na Yakoba na batemuki boso, mu bufumu bw’Efile Mukulu, n’anwe (bana bene) nwanakatakulwe hasha.

Luka 12:20

Ank’Efile Mukulu bamwambile’shi: Obe mulotakane, mu buno bufuku muwa wobe wakyebibwa, biabia bintu biolumbulwile, abikekala bi’anyi?

Luka 8:53

Abo abamusehele na kumubengakana, mwanda abaukile ’shi, mwana ’mufwe.

Luka 6:24

Anka mpombo kwanudi anwe bampeta! mwanda nubahu kutambula kisambilo kienu.

Luka 6:26

Mpombo kwanudi ahakenwakwila bantu boso buwa! mwanda biabia nyi bibakitshine bashabo-kulu kwi batemuki ba madimi.