Luka 6:23 - KILOMBENO KIHYA KIA NFUMWETU YESU KIDISITU

²³ Nusehele mu diadi’efuku, nutumbukye mwanda wa tuseho; mwanda bwedi bwenu mbukata mwiilu; mwanda bashabo-kulu abakitshine anka biabia kwi batemuki.

Luka 6:23 Referans Kwoze

Kibafumulwe 21:7

Yawa akambila anakahyane bino bintu, n’ami nankekala kwadi bw’Efile Mukulu e, e namu akekala kwandji’mi bu ande mwana.

Kibafumulwe 3:12

Yawa akambilā nanankamutulu bu kibayi mu ntempelo y’Efile Mukulu ande, e takatuku mwanka dimo; ami namu nankafundu hadi eshina di’Efile Mukulu ande, n’eshina dia kibalo ki’Efile Mukulu ande, akio nyi Yelusalema muhya, akiyiki mwiilu kw’Efile Mukulu ande, n’eshina diande dihya namu.

Kibafumulwe 3:5

Yawa akambila, nyi winyi anakafwadikwe mu bifwalwa bitoka; ami namu tanakashimishe eshina die mu mukanda wa muwa, ooo, nanankatemune eshina die ku mpala kwa Yaiya na kwa bamwikeilu be.

Bikitshino 5:41

Biabia abakatukile ku mpala kwa kimu bakwete kusehela’shi: Twibahwandjikile kumona būfu ha mwanda w’eshina die.

Mateo 5:12

Sehelai, nusangala bikata, mwanda bwedi bwenu mbukata mwiilu, mwanda babadi abamweshe malwa batemuki anka biabia bababadidile kwibedi kwenu.

Kibafumulwe 2:26

Yawa akambila, alama bikitshino biande mpaa na ku nfudilo, kwadi nankamuha matalwa hanundu ha mīlo.

Kibafumulwe 2:17

E n’ētwi, ahushe abiakula Kikudi (E-Selelee) ku bikoñeno bi’Efile. Kwi yawa akambila nankamuha manna afwame a kudia, nankamuha’nyi kabwe katoka, na ha kabweeshina dihya difundwe hanka, dishyadiukwa na muntu, sunga ngumune, anka yawa ekatambula.

Kibafumulwe 2:7

Yawa e n’ētwi, ahushe bibākula Kikudi-(E-Selelee) ku bikoñeno bi’Efile. Kwi yawa akambila nankamuha kudia ku mutshi wa muwa, wi munkatshi mwa Paladisa ’Efile Mukulu.

I Petelo 4:13

anka sehelai bianwibabungilwe mu kufwambuka kwa Kidisitu’shi, hanakafumbulwe ntumbo ye, nwanakasehele na muloo ukilekile namu.

Yakoba 1:2

Bakwetu, nwiyihwandjikishe ya kusehela hanuhonā mu ya mitompo ya bihaso na bihaso,

Bikitshino 3:8

N’e batambukile kwiilu, bemene, tatambuka, batwēle n’abo mu ntempelo, kwete kutambuka na kutumbuka, na kutumbisha Efile Mukulu.

Bena Bahebelu 11:26

Bahwandjikishe’shi: misābulo ha mwa nda wa Kidisitu ngikile buheta bwa bineme bia mu Ndjihitu bukata, mwanda e badi atengyela kuhebwa bwedi.

Bena Bahebelu 11:6

Anka kushī lukuluhilo nkukutshidilwe kutosh’eshimba (die,) mwanda yawa akwifubula kw’Efile Mukulu wadi n’ao ngwa kukumina’shi, e kwanka, atushā bwedi kwi’bo abamukimbā na kusasakata.

Ii Temote 2:12

Su atukankamēna (mwanka) na lwishinko, biabia twanakabikale namu hamune n’e, (anka) su atumutunu, e namu anaketutune.

Bena Kolose 1:24

Binobino nasehelā mu bia kufwambuka biande ha mwande wenu, na kunkumbesha biandji mulobeshe bia malwa a Kidisitu mu mbidi yande ha mwanda wa mbidi ye, yinyī’o nyi kikoñeno ki ’Efile.

Ii Bena Kodinda 12:10

Nyi ha uno mwanda nasehelā mu butūba, mu misabulo, na mu nkalo ya bintu, mu kubingwabingwa, na mu bishiotshi ha mwanda wa Kidisitu, mwanda hanyikala mutūba hanyikala mutūba biabia nyi bukome.

Bena Loma 5:3

Ta ñanka’ko ooo, anka’twilungwilā mu kusābulwa kwetu kwinyi, hakwiuka’shi, abia biakusābulwa abikitshishā kwishinka.

Bikitshino 14:10

bakwile n’eyi di bukoho’shi: Imana susā ku ngwa yobe, biabia bahalele, batambukile.

Luka 6:35

Anka’nwe nwikale na kifulo kwi be n’enu mushikwa, nukite bibuwa; tanwahushanga na kutengyela dimonyi sunga mpahēla, biabia bwedi bwenu abukekala bukata, anukekala bana ba Mukile boso bukata, mwanda e na kalolo kwi bashī na lutumbu na kwi balwishi.

Luka 1:44

Talanga! habafik’eyi dia kwimuna kobe mu matwi ande, mwana batumbuka munda mwande ha mwanda wa kusehela.

Luka 1:41

Bitabibakitshine, Edisabeta ha kuhusha kwimuna kwa Madiya, mwana batumbukile mwifu die; n’Edisabeta baulwe na Kikudi-E-Selelee;