Luka 5:32 - KILOMBENO KIHYA KIA NFUMWETU YESU KIDISITU

³² Ami nkimufwile kwita nyina balulame ba mashimba, anka balwishi belangye.

Luka 5:32 Referans Kwoze

Luka 19:10

Mwanda mwan’a muntu bafiki kukimba na kuhasha abadi bashimine.

Luka 15:10

Nenulungula’shi: Anka biabia, kwi kusehela ku mpala kwa bamwikeilu b’Efile Mukulu ahelanga mulwishi umune mwishimba.

Luka 15:7

Nenulungula’shi: Kusehela mwiilu akukekala anka biabia, ahelanga mulwishi umune mwishimba, kukile makumi kitema na kitema a bantu balulame, bashyabakyebe kwilanga.

Bikitshino 3:19

Binyibiabia nwilangei ’mashimba, nwikale bālulwe’shi, milwisho yenu yishimangishwe, biabia akukafiki kwi Yehowa bihindji bia kukankamana kwishimba.

Luka 24:47

Eshi, kwilanga kwishimba na kushimangishwa kwa milwisho kwikale akulungulwa mwishina die munkatshi mwa mīlo yoso, kubangila ku Yelusalema.

Bikitshino 17:30

Biabia bihindji bia kuhatamina Efile Mukulu ebilekyela; anka binobino akamikā bantu boso kosokoso’shi, belangye ’mashimba;

Ii Petelo 3:9

Nfumwetu te na kwiisha ha mwanda wa mulayilo we, hamune bamo (bantu) abahwandjikisha kuisha, ooo; anka e na kuhuñanyi kwanudi, takyebe sunga ngumune kushimina, anka’shi, boso bafikye ku kwilanga kw’eshimba.

Bikitshino 2:38

Binyibiabia Petelo bebālulwile’shi: Elangei ’māshimba, nubatshishibwe boso bwenu mwishina dia Yesu Kidisitu, mwanda wa kulekyelwa kwa milwisho, biabia anukatambula buntu bwa Kikudi-E-Selelee.

Bikitshino 20:21

Nadi akula bu kamonyi kwi Bena Yuda na kwi Bena Ngidiki namu, kwilanga kw’eshimba kw’Efile Mukulu, na lukuluhilo kwi Nfumwetu Yesu Kidisitu.

Bikitshino 3:26

Efile Mukulu hakwibosha mufubi e Yesu, bamutumine kwanudi kwibedi mu kwinuha mwabi wa kwinwalula’nwe boso ku bubi.

Mateo 18:10

Dimukai, tanubendanga umune a bano bana, mwanda nenulungula’shi: Mwiilu bamwikeilu babo ababandjile mafuku oso mpala ya Shami e mwiilu.

Bikitshino 5:31

E Mwanabuwa, na bu Muhashi, Efile Mukulu bamukamishe ku mboko yibalume ye, ha mwanda wakuhabena Isalele lwilango lwa mashimba na lulekyelo lwa milwisho.

Mako 15:10

Mwanda Pilata beukile’shi, batshiite-bakwidi bakata mbamufishe ha mwanda wa kiutu.

Mako 15:7

Biabia kubadi umune (mu nshibo ya mashika) n’eshina die’nyi bu Balabasa, badi mwanyibwe na bantombishi n’e; mu buntomboshi bwabo badi bayihanga (bantu.)

Mateo 9:13

Anka nuendei, nwambulei kishingulwilo kia uno. Nankyebe lusa, tankyebe kitahilo, mwanda nki mufikye kwitanyina balulame ba mashimba, ooo, anka, balwishi belangye mwishimba.

Mako 2:17

Yesu hakuhusha biabia tabamba’shi: Abo be musangyelo ta be na kia’bakyebela ñanga, ooo, anka’bo abakumbu kubofula kwa mbidi; nkimufwile kwitanyina balulame ba mashimba, anka balwishi belangei ’mashimba.

Luka 5:31

Biabia yesu bebālulwile’shi: Abo be ’musangela ta be na lukalo lwa ñanga, ooo, ank’abo basha busungu.

Luka 5:33

Abo abamwihwishe’shi: A nkinyi bana-ba-bukishi ba Yoano abashila biakudia misusa na misusa, na kuteka nteko n’aba ku Bafadiseo namu anka hamune; anka bobe abadi n’abatomo?