Luka 24:47 - KILOMBENO KIHYA KIA NFUMWETU YESU KIDISITU

⁴⁷ Eshi, kwilanga kwishimba na kushimangishwa kwa milwisho kwikale akulungulwa mwishina die munkatshi mwa mīlo yoso, kubangila ku Yelusalema.

Luka 24:47 Referans Kwoze

Bikitshino 5:31

E Mwanabuwa, na bu Muhashi, Efile Mukulu bamukamishe ku mboko yibalume ye, ha mwanda wakuhabena Isalele lwilango lwa mashimba na lulekyelo lwa milwisho.

Bikitshino 2:38

Binyibiabia Petelo bebālulwile’shi: Elangei ’māshimba, nubatshishibwe boso bwenu mwishina dia Yesu Kidisitu, mwanda wa kulekyelwa kwa milwisho, biabia anukatambula buntu bwa Kikudi-E-Selelee.

Bikitshino 20:21

Nadi akula bu kamonyi kwi Bena Yuda na kwi Bena Ngidiki namu, kwilanga kw’eshimba kw’Efile Mukulu, na lukuluhilo kwi Nfumwetu Yesu Kidisitu.

Bikitshino 13:46

Henyihaha Paulu na Banabasa abanyingile mashimba, bamba’shi: Kw’anka biabia mwanda w’Efile Mukulu kwinulungulwa kwibedi; anka ha mwanda nubeukatusha kwanudi, nubetshibila namu’shi: Tatwi bahwandjikile muwa wa ikala-ika, talai, tubealula kwi Badjentaila.

Mateo 28:19

Binyibiabia, ndai, nulambukishe milo yoso, na kwibabatshisha mwishina dia Yaiya, na dia Mwana, na dia Kikudi-E Selelee.

Bikitshino 11:18

Hābahushishe yino myanda, abauminyine nyaa, tabatumbishe Efile Mukulu’shi: Biosobi Efile Mukulu muhe Badjentaila namu kwilanga kwa mashimba ku muwa.

Bikitshino 26:18

okyebabule meso, na kwibafutalasha ku mufito, batadile kwitata, na ku matalwa a Satana namu, batadile kw’Efile Mukulu mwabadia kutambwila kulekyelwa kwa milwisho, na buhyianyi munkatshi mwabo balamunwe-selelee ku lukuluhilo lwi mwandji’mi.

Mateo 3:2

Nwilangei’mashimba mwanda wa bufumu bwa mwiilu tabudi hehi.

I Yoano 2:12

Nenufundjila bana bande batomibwe kifulo, mwanda milwisho (yenu) yibenulekyelwa ha mwanda w’eshina die.

Bena Kolose 1:27

Kwabadi’bo nkubatokyel’eshimba di’Efile Mukulu kwiukisha’kio ki buheta bwa ntumbo bwa kino kifībwe munkatshi mwa Badjentaila, nyi Kidisitu mwi’nwe, lwinyi lutengyelo lwa ntumbo.

Bikitshino 10:43

Batemuki boso abamwisambilanga anka e bu tumonyi’shi, ese akakumina mwadi e, akatambula kulekyelwa kwa milwisho mwishina die.

Bikitshino 4:12

Sunga mu dingi tamwi kihandjilo, ooo; mwanda tamwi dingi eshina mushi mwiilu dibahebwa munkatshi mwa bantu diatukahandjila.

Bikitshino 3:19

Binyibiabia nwilangei ’mashimba, nwikale bālulwe’shi, milwisho yenu yishimangishwe, biabia akukafiki kwi Yehowa bihindji bia kukankamana kwishimba.

Bena Efisesa 3:8

Kwandji’mi mukilekile buhela a mu balamunwebakishila boso, nyi kubahebwa buno bu-muntu’shi, alungule munkatshi mwa Badjentaila bulieta bwa Kidisitu bushyabumono mwa kulondolwela.

Bena Efisesa 1:6

mpaa na kutumbisha kwa ntumbo ya bumuntu bwe, mwabetukuminyinyine mu batomibwe kifulo,

Bena Loma 5:20

Biabia mukanda-wa-milangilo ubafikile’shi, kusola kwa mwanda kutame; anka ha-ku-batamine kulwisha, buntu bwa bisumanga namu bubakididile kutama bi moo;

Bikitshino 28:28

Binyibiabia nwikale beukye’shi: Kihandjilo ki’Efile Mukulu nkitumibwa kwi Badjentaila, n’abo abakekihusha.

Bikitshino 26:20

Anka nabadidile kulungula abo ba ku Ndamasaka, n’abo ba ku Yelusalema, n’aba mosomoso mu mpese ya Yudea, na kwi Badjentaila namu’shi: Belangye na kwaluluka kw’Efile Mukulu, bakite namu bikitshino bilombane kwilanga kwa mashimba.

Luka 13:34

A ee! Yelusalema, Yelusalema oiha batemuki na kwasa binyi bakutuminā mabwe; misusa na misusa nadia kukongyelesha bana bobe hamune bu nsolo akongyelesha bana be mushi mwa mbaba, anka’nwe nubatune.

Mateo 9:13

Anka nuendei, nwambulei kishingulwilo kia uno. Nankyebe lusa, tankyebe kitahilo, mwanda nki mufikye kwitanyina balulame ba mashimba, ooo, anka, balwishi belangye mwishimba.