Luka 21:8 - KILOMBENO KIHYA KIA NFUMWETU YESU KIDISITU

⁸ E bālulwile’shi: Dimukai tanubembulwanga: mwanda bebungi abakafiki mwishina diande’shi: N’ami Kidisitu; na kihindji takidi hehi; biabia tanwibalondanga.

Luka 21:8 Referans Kwoze

I Yoano 4:1

Anwe batomibwe kifulo, tanukuminanga bikudi bioso, anka tompai bikudi su mbia kw’Efile Mukulu; mwanda batemuki ba madimi bebungi mbahalakane hanohansenga.

Ii Bena Tesalonika 2:3

Tanukuminanga muntu kwinongola na kintu; mwanda diadi’efuku tadikafiki anka su akukekala kulamunuka kwibedi, na (winyi) mulamunushi-e-bubi akafumbulwa, winyi mwan’a kulwisha,

Bena Efisesa 5:6

Tanudimbibwanga na muntu e na myanda ya bisumanga; nyi mpa mwanda wa yino myanda bukyelo bw’Efile Mukulu abufikā ha bana ba bashī na kukokyela.

Mateo 24:11

Batemuki ba madimi be bungi abakēbō, abakōngola be bungi.

Ii Temote 3:13

Anka bantu babi na bansesa abakēnd’ābafwimanga na kufwima kwa ku bubi, na kōngoshena na kwiongola (bana bene).

Ii Yoano 1:7

Mwanda bōngoshi bebungi mbahalakane hanohansenga, baba tabakumina’shi, Yesu Kidisitu bafikile mu mbidi. Uno nyi mōngoshi na mwituhishene na Kidisitu.

Luka 17:23

Abakenwamba shi: Talai kuno; sunga’shi, Talai yikwa: tanwendanga, sunga nkulonda.

Kibafumulwe 12:9

Henyihaha kinyoka kikata basumbwilwe hashi, yawa nyoka a kala, batemwinwe bu Kafilefile, na bu Satana, winyi mōngodi a bahanohansenga boso; basumbwilwe hashi ha nsenga, bamwikeilu be namu abasumbwilwe n’e.

Mateo 4:17

Ku kia kihindji Yesu babangile kulungula’shi; Elangei munda, mwanda bufumu bwa mwiilu butadi hehi.

Kibafumulwe 1:3

Mwabi kwi yawa abala, na kwi’bo abahusha myanda ya (uno) mutemu, na kulama yaya myanda yifundjibwe mwanka; mwanda kihindji takidi hehi.

Yoano 8:24

Henyihaha, nyi ha uno mwanda wa nyi nwambila’shi anukafwila mbubi bwenu: mwanda su tanwibankumine ny’anka E, anukafwila mbubi bwenu.

Yoano 5:43

Nafikile mwishina dia Yaiya ande, tanwibankumine: su mungi afiki mwishina die na mwinyi, anukamukumina.

Mateo 3:2

Nwilangei’mashimba mwanda wa bufumu bwa mwiilu tabudi hehi.

Luka 21:7

Abamwihwishe’shi: A Mulambukishi, anka bino bintu abikafiki kihindji kinyi? A nkinyi ankitundwilo kinyi akikekala kwanka ahakafiki yino myanda?

Luka 21:9

Anka hanukahusha mwanda wa ngoshi na biakutēkana, tanutshinanga moo! Mwanda yino myanda ayikafiki kwibedi, anka kunfudilo takwi hehi.

Yoano 8:28

Biabia Yesu bebalungwile’shi: Hanuhu kwimika Mwan’a muntu, nyi hanukauku’shi: nyi anka E. Ami mkimwikitshine mwanda ami na mwinyi: sunga nkahela, anka bu Yaiya bandambukishe, nyi bia nyisamba.

I Bena Kodinda 6:9

Tanwiuku’shi: Bashībalulame tabakahyana bufumu bw’Efile Mukulu? Tanubembibwanga, sunga basha kukyebana-kyebana, sunga balangwidi ba mankishi sunga basha lusandji, sunga bakwilwisha abo bana bene bu bakashi, sunga bakwilwisha abo bana bene na balume,