Luka 21:34 - KILOMBENO KIHYA KIA NFUMWETU YESU KIDISITU

³⁴ Nudimukei anwe bana bene kutshina’shi: tala mashimb’enu akanemenwa na bidiafi na kukolwakolwa, kukalakashwa kwa uno muwa, biabia adi’efuku adikenuhulumukila.

Luka 21:34 Referans Kwoze

Mako 4:19

Anka binango bia myanda bia hanohansenga, na kudimbwa kwa mono, na kwabila kwa bingi bintu abitwela mwanka, abifinena mu uno mwanda, nyi haubakutshilwe kuha bikuba.

Luka 12:40

Binyibiabia nwikale bemane namu, mwanda Mwan’a Muntu akafiki ha nsa yanushyanumutentekyela.

I Bena Kodinda 6:10

sunga bangifi, sunga basha malaka, sunga bakodi ba malwa, sunga bankanyi ba mulomo, sunga banyenanyi, tabakahyana bufumu bw’Efile Mukulu, ooo.

Kibafumulwe 3:3

Binyibiabia nangushena mubotambwidile na mobohushishe; olamate, na kwilanga mwishimba. Biabia su twemudimukye nankafiki kodi bu ngifi, n’obe tokashingula nsa yiankafiki kodi.

Ii Petelo 3:14

Biabia anwe bakuminyibwe, bia nutengyela yino myand’ayi, nusasakatei mwanudia kuhetshibwa mu kufukama, kwanushī na mabashi na kutohekwa kwadie.

Bena Ngalatea 5:20

Lulangwilo lwa mankishi, butshi, kushikwana, kwituhishena, mukau, nsungu, mpaka, kwilamunushena, kwitshibena.

I Bena Kodinda 5:11

Anka nenufundjile’shi: Tanwikalanga bu kūku na muntu su atemunwa bu mukwenu mu Kidisitu, su bekala sha kukyebana-kyebana su nsha malaka, su mulangwidi a mankishi, su nkānyi a mulomo, su mukodi a mālwa, su munyenanyi; su ngiawa e biabia, tanudianga n’e, ooo.

Mateo 13:22

E namu batambwile mbio munkatshi mwa milobo, nyi e bahushishe Mwanda, anka binyengo bia hanohansenga, na kōngolwa kwa mono, akwinyengyela Mwanda, n’e akutshikwa kuha bikuba.

Luka 21:8

E bālulwile’shi: Dimukai tanubembulwanga: mwanda bebungi abakafiki mwishina diande’shi: N’ami Kidisitu; na kihindji takidi hehi; biabia tanwibalondanga.

Bena Fidihai 4:6

Tanwikalanga na kukalakala su nkwa kinyi su nkwa kinyi, anka mu bintu bioso mu nteko na mu kwiyayila na mu lutumbu, nteko yenu yiukibwe kw’Efile Mukulu.

Luka 17:3

Nwilamei’nwe bana bene. Su mukwenu bakusola mwada, nomusashile; su bēlanga omulekye.

Luka 10:41

Yesu bamwālulwile’shi: Māta! Māta! obe okamba kunangushena mwanda wa myanda yibungi ayikukalakasha:

Luka 8:14

Aya namu yibahone munkatshi mwa milobo, mbaba abahushishe, benda, abafinwa na bia kwinyenga na bia buheta, na bia muloo bia (uno) muwa, tambahe bikuba bikumbane.

Mako 13:9

Anka dimukai anwe bana bene, mwanda abakenufishe mu bīmu bia basushi, anukakuhilwa mu bitumbwilo, abakenufishe namu ku meso kwa batontshi, na ku meso kwa bafumu ha mwanda wande, na kwikala bu kitundwilo ku meso kwabo.

Bena Bahebelu 12:15

Nutale kalolo kuhela muntu akalobela ku bu-muntu bw’Efile Mukulu, tala kibangilo kia lwima kiakebwā kwinukalakasha, biabia bebungi bakashūlwa kishila ha lwinyi’lo.

Ii Petelo 3:10

Anka efuku dia Yehowa adikafiki bu ngifi, mū’dio mailu anakashimine na mikungulo yikata, na biamwiilu abikasunguluka na kālo ke moo, biabia nsenga na bikitshino bi mwanka abikahi fututu.

Luka 21:35

Mwanda adikafiki bu muteo ha boso bashale hanohansenga hoso.