36 Mwanda’bo tabeuku’nyi kufwa dimo: abakekala bu bamwikeilu, nyi mbana b’Efile Mukulu, bana ba lusangukilo.
E anakakumune mpolo yoso ku meso abo; takukekala lufu dimonyi, sunga mālo, sunga nkudila, su mitanyo dimonyi, ooo; mwanda bintu bia kwibedi bibakididile.
E akālula mbidi yetu ya būfu’shi, yikale yihwandiikile hamune na mbidi ye ya ntumbo, mwiyile kufuba kwao euku kukokyesha bintu bioso kwadi e na mwinyi.
Mwanda ha lusangukilo lwa ku lufu, tababambā, sunga mbahebwe mwibambo, anka’bo be bu bamwikeilu b’Efile-Mukulu be mwiilu.
Sha mwabi na muhatulwe-e-kishila nyi ngiawa mwibungile mu lusangukilo lwa kwibedi; ha bano, lufu lwa kabidi talwi na matalwa, anka’bo banakekale batshiite-bakwidi b’Efile Mukulu na ba Kidisitu, banakabikale n’e bihwa kinunu kimune.
Nyi anka biabia namu na lusangukilo lwa bafwe mpamune. Yibakunwe yinyangye, ayikasangulwa yishī yinyangye.
Henyihaha bandungwile’shi: Ooo tokitanga biabia; ami nyi mufubi n’obe na bakwenu batemuki, n’aba abalama myanda ya uno mukanda w’Efile Mukulu; langwila Efile Mukulu.
Mushikwene n’ami a kunfudilo akashimishibwa nyi ndufu.
Mwanda ahakasanguka bantu ku lufu ta bakebakil’abo ooo, sunga nkwibakilwa; abakekal’anka hamunenka bu bamwikeilu be mwiīlu.
Anka mwatudi befwane kīfwano kia kanohansenga, mpamunenka atukefwana kīfwano kia mwiilu.
Akio kinyi Kikudi-E-Selelee akihetekyelwa kwi bikudi bietu’shi, twi bana b’Efile.