Luka 17:25 - KILOMBENO KIHYA KIA NFUMWETU YESU KIDISITU

²⁵ Anka kwibedi akafwambuka mu bintu bibungi, na kuhedibwa ku kino kihungilo.

Luka 17:25 Referans Kwoze

Mateo 16:21

Kuatshila ha kiakia kihindji. Yesu babangile kuhatula kwi bana-be-ba-bukishi mubadi akyebe kwenda mu Yelusalema, mu kufwambuka mu bintu bi bungi ku bakulu na batshiite-bakwidi bakata b’Efile Mukulu, na ku bafundji-bamikanda, na kwihaibwa, na kusangulwa dimo h’efuku dia kasatu.

Luka 9:22

Eshi, Mwan’a Muntu anka kufwambuka mu bia malwa bibungi, na kuhedibwa kwi bakulu, na kwi batshiitebakwidi bakata, na kwi bafundji-ba-mikanda, nakwihayibwa, na kusanguka h’efuku dia kasatu.

Mako 8:31

Binyibiabia babangile kwibalambukisha’shi: Mwan’a muntu ngwa kumweshibwa malwa e bungi, na kuhedibwa kwi bakulu, na kwi batshiite-bakwidi bakata, na kwi bafundji ba mikanda, na kwīhayibwa; na hahakakidi mafuku asatu kusanguka dimo.

Yoano 1:11

Bafikile ku b’e na mwinyi, anka b’e na mwinyi tambamutambule, ooo.

Luka 18:33

Abakamukuhila na kumwiha! h’efuku dia kasatu akasanguka.

Mako 12:10

A ta nwibatangye kino kifundjilwe kia mukanda w’Efile-Mukulu’shi; Ebwe dia’bahele kwi bebaki ba nshibo, diadia nyi adikālula tamutwe w’ehaka.

Mateo 21:42

Yesu bebalungwile’shi: A tanwi babale mu Bifundwe bi’Efile’shi: Ebwe dibahēlwe kwi babaki ba nshibo, di na mwinyi dibāluluka tamutwe w’ehaka. Nyi Yehowa bakitshine kino, nyi kia kukanya ku meso kwetu?

Yoano 12:38

Eshi, mwisambo wa Eseasa mutemukye ubakwile, ukumbashwe’shi: Obe Yeowa awa kukumina mukāndu wetu, nānyi? na mboko ya Yeowa yibafumbukila kwi’nyi?

Luka 24:46

E bebambile numu’shi: Nyi mwakibafundjilwe, na mwakibamuhwandjikile Kidisitu kufwambuka, na kusanguka ku lufu h’efuku dia kasatu.

Luka 18:31

Henyihaha E bātshile b’ekumi na babidi, bebalungwile’shi: Talangai, bia tukamina ku Yelusalema, myanda yoso yibafundjilwe na batemuki ha mwanda wa Mwan’a muntu ayikakumbashwa.

Mako 10:33

Eshi; Hushei, tukwete kukamina ku Yelusalema, mwan’a muntu akafishwa ’māsa a batshiite-bakwidi bakata, na kwi bafuedji-ba-mikanda; Boba abakamuhīsha ku lufu, na kumufisha ku Banjentaila.

Mako 9:31

Mwanda badi alambukisha bana be ba bukishi, bebalungwile’shi: Mwan’a muntu talubulwa’masa a bantu, n’abo abakamwiha; habahu ku mwiha akasanguka h’efuku dia kasatu.