Luka 16:16 - KILOMBENO KIHYA KIA NFUMWETU YESU KIDISITU

¹⁶ Mukanda-wa-bishila na wa batemuki ubadi kwanka mpaa na habafikile Yoano: kasha kiakia kihindji mpaa na binobino bufumu bw’Efile Mukulu mbulungulwe, na muntu ese atwele ha bukoho.

Luka 16:16 Referans Kwoze

Mateo 21:32

Mwanda Yoano bafikile kwanudi mwishinda dia kululama, ank’anwe tanwibamukumine, ooo; anka basangishi-ba-milambu na basha masandji bana bakashi abamukuminyine, n’anwe hanubeumwene, tanwibelangye ku mashimba kumongo’shi, bianudia kumukumina, ooo.

Yoano 1:45

Fidiha basañene Natanyele, bamulungwile’shi: Tubasañana winyi badi mufundwe kwi Mosesa mu mukanda-wabishila, na muwa batemuki, Yesu a Nasaleta mwan’a Yosefa.

Luka 16:31

E bamwalulwile’shi: Su tabahushā Mosesa na batemuki, tabakakumina sunga muntu asanguka kwi bafwe.

Mateo 3:2

Nwilangei’mashimba mwanda wa bufumu bwa mwiilu tabudi hehi.

Bikitshino 3:18

Anka yino myanda yibalesheshe Efile Mukulu kwibedi mu kanwa mwa batemuki be, eshi: Kidisitu akekufwambuka e beyikumbasha.

Luka 16:29

Biabia Abalahama bamulungwile’shi, Be na Mosesa na batemuki, bebahushe.

Luka 10:11

Sunga lufūfi lwa ku kibalo kienu alwitulamata, atwinukukwila’lo, sunga mbiabia nwiukye binyibinyi’shi, bufumu bw’Efile Mukulu bubafiki hehi kwanudi.

Luka 10:9

Nuhwishe basha masungu be mwanka, nwibalungule’shi: Bufumu bw’Efile Mukulu bubafiki hehi n’enu.

Mateo 4:17

Ku kia kihindji Yesu babangile kulungula’shi; Elangei munda, mwanda bufumu bwa mwiilu butadi hehi.

Luka 9:2

Bebatumine kulungula bufumu bw’Efile Mukulu, na kuhwisha basha masungu.

Mako 1:14

Binyībi Yoano hakwelwa mu lukano, Yesu bayile ku Ngadilea alungulanga mukāndu-wibuwa wa bunfumu bw’Efile-Mukulu’shi.

Mateo 10:7

Bianuende nulungule’shi: Bufumu bwa mwiilu tabudi hehi.

Yoano 12:19

Binyibiabia baFadiseo abelungushenene’shi: Talangai biosobi utukulakala bisumanga, talai ba-hano-ha-nsenga babahu kumulonda.

Yoano 11:48

Su atumuleka bisumanga, boso bakamukumina: biabia Bena Loma abakafiki na kunyenana nsenga yetu, na mwilo wetu namu.

Mako 1:45

Anka e habakatukile, babangile kwela musase wa kuhalakasha koso uno mwanda; biabia ’Yesu tamumone’nyi mwa kutwela mu kibalo kumonyibwa na bantu, ooo, anka badi mwikale mu tubāka: bantu namu babadi abamufwila ku mpese yoso.

Mateo 4:23

Yesu batambukile luhese lwoso lwa Ngadilea, balambukishe mu bitumbwilo biabo, balungwile mukāndu wibuwa wa bufumu bwa mwiilu, bahashishe bihaso bioso bia masungu, na kubofula koso kwa mbidi kwa bantu.

Mateo 15:11

Kushī kiakia akitwele mukanwa akīlwisha muntu, ooo; anka kiakia akituku mukanwa nyi akilwisha muntu.

Yoano 5:4

Mwanda mwiikeilu baikile mwanka ha kihindji na kihindji mwidindji dia mema, mu kusanyisha mema: biabia, hakusanyisha mema, muntu ese aiki mwanka kwibedi bahwishwa busungu bubadi n’abo, su nkinyi su nkinyi.