Luka 16:15 - KILOMBENO KIHYA KIA NFUMWETU YESU KIDISITU

¹⁵ E bebalungwile’shi: Anwi nwi baba abebingisha bana bene ku mpala kwa bantu, anka Efile Mukulu euku mashimb’enu: mwanda kiakia akinemekwa munkatshi mwa bantu, ki butete ku meso kw’Efile Mukulu.

Luka 16:15 Referans Kwoze

I Bena Kodinda 4:5

Binyibiabia tanutshibanga (kimu) sunga nkihela kwibedi kwa kihindji kia Nfumwetu takiafikile, e akafisha kwitata myanda yifwame ya mufito wi fututu, na kufumbula’nyi yifībwe ya mashimba; henyihaha muntu he muntu he akekala na ntumbo ye kw’Efile Mukulu.

Bikitshino 15:8

Efile Mukulu euku nyikashi ya mashimba, bebakuminyine, ebaha Kikudi-E-Selelee anka mwabetuhelele’twe.

I Petelo 3:4

anka kwikale kufwame kwa muntu e munda, mu biabia bishyabinyangā, bi’eshimba dia kuhohela di nyaa, binyi’bio nyi mbineme bimoo ku mpala kw’Efile Mukulu.

Luka 11:39

Biabia Nfumwetu bamulungwile’shi: Binyibiabia anwe Bafadiseo anutosha ha mbidi ya kitomeno na kibaa, anka munda mwenu muule bia manyenanyi na bubi.

Luka 10:29

Ank’e badi akyebe kwibingisha e na mwinyi; bakwile kwi Yesu’shi. A nanyi mwikashi n’ami?

Kibafumulwe 2:23

Nankeha bana be na lufu, na bikoñeno bi’Efile bioso abikeuku’shi, ami nyi e akokōla mu nfyo na mashimba: nankaha kwi muntu ese enu mwiyile bikitshino bienu.

I Petelo 5:5

Anwe be bu bakulu bwa binyibiabia, nwibofushe anwe bana bene kwi bakulu. Ee, nwibofushene kwi muntu na muntu, nwikale bafwadikwe na kwihelesha kw’eshimba, mwanda Efile Mukulu etuhishena na basha kwinemeka, anka ahanā bu-muntu kwi bahohele.

Bena Loma 3:20

Binyibiabia ku mifubo ya mukanda-wa-milangilo ta kwi muntu akabingishwa ku meso kwe ooo; anka ha mwanda wa mukanda-wa-milangilo nyi ha kiyukilo kia kulwisha.

Yoano 2:25

Tabadi na lukalo’shi, Muntu ahatule muntu, mwanda beukanga kibadi munda mwa bantu.

Mateo 23:5

Anka bikitshino biabo bioso biabakitshi mbia kutadibwa na bantu: abatamishā nfalakatele yabo, abatamishā namu masasala a bifwalwa biabo;

Luka 18:21

E bakwile’shi: Bino bioso nebilame mpaa na ku bakinga bwande.

Luka 18:11

Mufadiseo bemene etekyela na mwinyi’shi, Obe Efile Mukulu, nakutumbula mwanda nki bu bangi bantu, bash’efīnyi, bashī-balulame, ba mabasa, sunga bu uno mulambushi-amulambu, ooo.

Bikitshino 1:18

Tala, uno muntu baule efuba ku bwedi bwa bubi; na habahone ki mutwe mūshi, basanikile hankatshi, na mala oso abahātukile.

Luka 20:47

Abafina mashibo a bakashi-ba-bafwe, na kuteka nteko yila-yila ya kwilungula: a abo bana bene banakahīshwe ku kimu bikilakile.

Luka 20:20

Biabia abamutengyele, abatumine bampūha babadi abehwandjikisha’bo bana bene bu bantu balulame, ha mwanda wa kubembula myanda ye’shi, tukamufishe kwi bukome na matalwa bia mutontshi mukata e hanundu ha boso.

Mateo 6:16

Dimonyi, hanushidi biakudia namu, tanwikalanga bongame bu bansesa, mwanda’bo abanyengye nkyebo yabo bebamone’shi mbashile biakudia. Binyibinyi, nenulungula’shi, abakwete kutambula bwedi bwabo.

Mateo 6:5

Hōtekye, twekalanga bu bansesa; mwanda abasehela kwimana mu bitumbwilo na ku masank’a mpata mwa kumwekibwa kwi bantu. Nankulungula, binyibinyi abakwete kutambula bwedi bwabo.

Mateo 6:2

Binyibiabia hokitshi biabuntu (biobe) ha kuhana, twelanga mpungi kumpala kobe, bu amukitshine bansesa mu bitumbwilo na mu mpata, mwa biadia kutumbishibwa kwi bantu. Nenulungula, binyibinyi’shi, abakwete kutambula bwedi bwabo.

Yoano 21:17

(Yesu) bamwihwishe dia kasatu’shi; Shimona mwan’a Yonasa, we n’ami kifulo? Biabia Petelo bafitshile mwishimba niwanda bamwihwishe mususa wa kasatu’shi: We n’ami kifulo su? E bamwambile’shi: A Mwanana, weuku bintu bioso; weuku’ shi; ami nyi n’obe kifulo. Yesu bamwambile’shi: Disha mikoko yande.

Luka 18:9

Balungwile luno lukindji namu kwi bangi bakwikuluhila’bo bana bene’shi: Twi balulame, na kubenda bakwabo:

Luka 18:14

Nenulungula’shi, uno muntu bende ku nshibo ye mukilekile kubingishwa he mungi, mwanda muntu ese e nemeka na mwinyi akaheleshwa; awa akehelesha na mwinyi, akanemekwa.

Bikitshino 1:24

Binyibiabia abatekyele Efile Mukulu’shi: Obe, Mwanana, n’obe euku mashimba a boso etuleshe a ku bano babidi odi musangule.

Bena Loma 8:27

Awa akutompa ’mashimba euku dinyi eshimba dia Kikudi-E-Selelee, mwanda asengyela balamunwe-bakishila mulombene akikyeb’eshimba di’Efile-Mukulu.