Luka 12:32 - KILOMBENO KIHYA KIA NFUMWETU YESU KIDISITU

³² Tanutshinanga’nwe lombe luhela, mwanda Nshyenu nyi mutokye mwishimba die kwinuha bufumu.

Luka 12:32 Referans Kwoze

Bena Bahebelu 12:28

Binyibiabia atwe hakutambula bufumu bushyabuuku kutenkakana, twikale na bu-muntu, mu bwinyi’bo, nyi mwatufubil’Efile Mukulu ya kusangash’eshimba na kinemo, na mutshinyīsha kw’Efile.

Kibafumulwe 1:6

e namu betwalulwile tatudi banfumu na batshiite-bakwidi ba kw’Efile Mukulu Nshye; kwadie kwikale ntumbo na bukome mpaa na kwikala-ika. Amena.

Bena Fidihai 2:13

Mwanda nyi Efile Mukulu anyishā munda mwenu bianudia kukyeba’o na kukita abikyebe eshimba die dibuwa.

Luka 10:21

Ha yawa nguba Yesu basehelele mu Kikudi (E-Selelee,) bakwile’shi: Nakutumbul’obe Yaiya a mwiilu nahashi, mwanda bofīle yino myanda kwi basha binangu na bahatulukye, bweyisokwela bana bakinga: Ee! Yaiya, mwanda biabia nyi mwiyile diobe eshimba dibuwa.

Mateo 25:34

Henyihaha Nfumu akalungula be ku mboko ye yibalume’shi: Fikai anwe basha mwabi kwi Shami, nuhyane bufumu bubenulumbulwilwe ku mbangilo kwa hanohansenga.

Ii Bena Tesalonika 1:11

Nyi ha mwanda watwinutekyela mafuku oso’shi: Efile Mukulu etu enutemune bu balombashwe ba (luno) lwitanyino, na kukumbasha bioso abikyeb’eshimba dia buwa (bwe,) na mifubo ya lukumino na bukome’shi,

Ii Petelo 1:11

Nyi anka biabia anukahebwa kitwēlo kikilekile bukata kia mu bufumu bwa ikala-ika bwa Nfumwetu Yesu Kidisitu.

Mateo 14:27

Anka Yesu kahindji n’aka bebambile’shi; Sangulushai mashimb’enu, n’ami uno, tanutshinanga moo.

Kibafumulwe 22:5

Takukela bufuku dimonyi, ooo, ta be na lukalo lwa kimunyi, sunga etata dia nguba; mwanda Yehowa Efile Mukulu anakebahe etata, n’abo banakabikale mpaa na kwikala-ika.

Ii Bena Tesalonika 1:5

abio nyi kitundwilo kifumbulwe hatoka kia kitshibilo kilulame k’Efile Mukulu; eshi nwikal’anutemunwa bu balombene mbufumu bw’Efile Mukulu, nyi bwanufwambukila.

Bena Loma 6:23

Mwanda efuto dia milwisho ndufu; anka buntu bwa bisumanga bw’Efile-Mukulu ’muwa wa ikala-ika, mu Kidisitu Yesu Nfumwetu.

Yakoba 2:5

Hushai bakwetu batomibwe kii’ulo, Efile Mukulu tamusangule balanda ba hanohansenga, tambampeta mu lukuluhilo, na bu bampyanyi ba bufumu bubalayile kwi baba abamufule kifulo su?

Yoano 18:36

Yesu bamwalulwile’shi: Bufumu bwande tabwa hano-ha-nsenga, ooo: su bufumu bwande bubadi bwa hano-ha-nsenga, henyihaha bafubi bande abadi a kundwila’ashi, tala nankafishwa kwi Bena Yudea: anka binobino bufumu bwande tamba kuno kwinyi.

Mateo 20:16

Biabia e a kunfudilo akekala bu a kumpala, n’a kumpala akekala bu a kunfudilo; mwanda be bungi abetanyinwe, anka bahela abasangulwa.

Mateo 7:15

Dimukai batemuki bamadimi abafiki kwanudi mu misokya ya mikoko, anka munda mwabo be bu tumishi twi na bukyelo.

Bikitshino 20:28

Biabia dimukai anwe bana bene, na lombe losonamu, hanundu halo Kikudi-E-Selelee benutudile bu balami’shi: Nudishe kikoñeno ki’Efile kibaūle na mase e.

Bikitshino 20:29

Mwanda neuku uno’shi, kunyima kwa kukatuka kwande, tūmishi twi bukyelo atukatwele munkatshi mwenu, tushyatulekye lombe.

I Bena Kodinda 1:21

Mwanda mwiyile kalolo k’Efile Mukulu, bahanohansenga tambeukye Efile Mukulu ku binangu, ooo, (biabia) Efile Mukulu bamwene buwa kuhashā’bo abakumina, ku bulotakane bwa bulungudi bw’Efile.