Luka 11:2 - KILOMBENO KIHYA KIA NFUMWETU YESU KIDISITU

² E bebalungwile’shi: Hanutekye nwakule’shi: Yaiy’etu e mwiilu, eshina diobe dishidikwe kishila. Bufumu bwobe bufikye. Abikyeb’eshimba diobe bikitshibwe hano ha nsenga bu biabidi bikitshibwe mwiilu.

Luka 11:2 Referans Kwoze

Kibafumulwe 15:4

A Yehowa, a nanyi shyakakutshinyi na kutumbisha eshina diobe? mwand’ank’obe nyi muhatulwe-e-kishila; mwanda mīlo yoso yanakafike kulangwila ku mpala kobe; mwanda bikitshino biobe bilulame bibafumbwilwe.

Kibafumulwe 20:4

Namwene namu mpun’a nsulu n’aba bashale hanka, mbahebwe kitshibilo. (Namwene’nyi) bikudi bi’aba abatshibilwe mitwe ha mwanda wa bulungudi bwa Yesu, na ha mwanda wa Mwanda w’Efile Mukulu nyi mbaba bashī badi abalangwila nyama-e-bukyelo, sunga nkihwandjikisho kie, sunga nkutambula kitundwilo kie ha mahala’bo, sunga ha maasa’bo; abekele na muwa na kubikala na Kidisitu bihwa kinunu kimune.

I Bena Tesalonika 1:3

Atunangushena mufubo wa lukumino lwenu anka bukyelebukyele na mufubo wenu wa kifulo, na lutengyelo lwiididile lwa Nfumwetu Yesu Kidisitu ku mpala kw’Efile-Mukulu Yaiy’etu.

Bena Fidihai 4:20

Binyibiabia kw’Efile Mukulu etu na Yaiy’etu, ntumbo yikale kwadi mpaa na ikala-ika. Amena.

Bena Fidihai 1:2

Bu-muntu bwikale nenu, na kufukama kw’Efile Mukulu Shyetu na kwi Nfumwetu Yesu Kidisitu.

Bena Efisesa 1:2

Bu-muntu b’Efile bwikale n’enu, na kufukama kw’Efile Mukulu Nshyetu, na (kwi) Nfumwetu Yesu Kidisitu.

Ii Bena Kodinda 1:2

Bu-muntu na kufukama bikale n’enu kw’Efile Mukulu Nshyietu na kwi Nfumwetu Yesu Kidisitu.

I Bena Kodinda 1:3

bumuntu bw’Efile kwanudi; na kufukama kw’Efile Mukulu Yaiy’etu, na kwi Nfumwetu Yesu Kidisitu.

Kibafumulwe 19:6

Nahushishe namu bu kubadi eyi dia kibumbu kikata, na bwīyi dia mema e bungi, na bwīyi dia mikungulu yikata’shi: Aleluya, mwanda Yehowa Efile Mukulu Shabukomeboso abikalā.

Kibafumulwe 11:15

Henyihaha mwikeilu a musambobidi bōmbele; kubadi mayi akata alondo mwiilu’shi: Bufumu bwa hanohansenga ta mbwa Nfumwetu na bwa Kidisitu e; e namu akabikala mpaa na kwikala-ika.

I Bena Tesalonika 1:1

Paulu na Shilefenuse na Temote, ku kikoñeno ki’Efile kia Bena Tesalonika ki mw’Efile Mukulu Yaiya na mwi Nfumwetu Yesu Kidisitu: Bu-muntu bw’Efile bwikale kwanudi, na kufukama, kw’Efile Mukulu Yaiy’etu, na kwi Nfumwetu Yesu Kidisitu.

Ii Bena Tesalonika 2:16

Binobino Nfumwetu Yesu Kidisitu na mwinyi, n’Efile Mukulu, nyi Nshyetu, betufule kifulo, betuhele namu kisengyelo kia ikala-ika, na lutengyelo lwibuwa ku bu-muntu bw’Efile;

Bena Kolose 1:2

kwi bala-munwe-bakishila, na bakwetu ba kishima mu Kidisitu be mu Kolose; bu-muntu bwikale n’enu, na kufukama kw’Efile Mukulu Nshyetu, na kwi nfumwetu Yesu Kidisitu.

Bena Loma 8:15

Mwanda ta nwibatambule kikudi kia buhika bwa moo, ooo, anka nubatambwile Kikudi kia bumwana, bu bi’atudila’shi, A Yaiya! a Ya!

Mateo 10:32

Binyibiabia muntu ese akandungwila ku mpala kwa bantu, ami namu nankamulungwila kumpala kwa Yaiya E mwiilu.

Mateo 5:16

Etata dienu dikale kumunyika biabia ku mpala kwa bantu’shi, bamone bikitshino bienu bibuwa, batumbishe namu Shyenu E Mwiilu.

Mateo 3:2

Nwilangei’mashimba mwanda wa bufumu bwa mwiilu tabudi hehi.

Bena Ngalatea 1:4

winyi behene e na mwinyi ha mwanda wa milwisho yetu mwadia kwitumañunwīna ku ba hanohansenga bebubi, muyile eshimba di’Efile Mukulu Nshyetu:

Bena Loma 1:7

Kwi boso be mu Loma, bakuminyibwe b’Efile Mukulu, betanyinwe bahatuluki-ba-kishila; buntu bwikale nenu na kufukama namu bifikye kw’Efile Mu kulu Shyetu, na kwi Nfumwetu Yesu Kidisitu.

Luka 11:1

Bitabibakitshine, habadi atekye mu kihindji kikampanda, habahwile, umune a bana-be-ba-bukishi bamwambile’shi: A Nfumu, etulambukishe kuteka bu bibalambukishe Yoano bana be ba bukishi.