Luka 10:42 - KILOMBENO KIHYA KIA NFUMWETU YESU KIDISITU

⁴² Anka kintu kimune ki lukalo, na Madiya basangwile kiakia kihindji kibuwa kishyakikamwatwa kwadi ooo.

Luka 10:42 Referans Kwoze

Yoano 4:14

anka ese akatomo ku ā mema ankamuha, takahusha’nyi nyota dimo, ooo, sunga mpahelahela; anka ā mema ankamuha akekala munda mwe bu nsulu ya mema afifuka, mpaa na mu muwa-au-tala wa ikala-ika.

Yoano 5:24

Binyibinyi, binyibinyi, nenwambashi: yawa ahusha mwanda wande akumina hadi E bantumine, e na muwa wa ikala-ika: takafiki ku kimu, ooo, anka tabakatukile ku lufu, bakilakila ku muwa.

Luka 18:22

Binyibiabia hahushishe Yesu yino myanda, bamulungwile’shi: Bolobesha kintu kimune: hana biodi nabio bioso, webiabile balanda, n’obe okekala na bineme mwiilu, biabia ofikye, ondonde.

Yoano 17:3

Na uno nyi muwa-wa-ikala-ika, abo kukuuk’obe Efile Mukulu, ’mune’nka a binyibinyi; na Yesu Kidisitu a botumine.

Mako 8:36

A muntu akasungula kinyi, su bāta bioso bia hano ha nsenga na kushimisha muwa we u na mwinyi?

Luka 8:18

Binyibiabia dimukai ku bianuhusha: mwanda kwi’wa e n’abio akahebwa, na kwi yawa shī n’abio, akamañunwa n’akia anangushena’shi, nyi n’akio.

Luka 12:20

Ank’Efile Mukulu bamwambile’shi: Obe mulotakane, mu buno bufuku muwa wobe wakyebibwa, biabia bintu biolumbulwile, abikekala bi’anyi?

I Bena Kodinda 13:3

Su natusha bintu biande bioso kudisha (balanda,) su nahana mbidi yande kushikibwa ha kālo, na kifulo nki n’akio, biabia nki na kia nkamwena mwanka sunga nkimune.

Luka 12:33

Nuhanei bia nudi n’abio, nuhane bia-buntu; nwifishishe kwi’ nwe bana bene madimba ashyakakulu, kintu kineme mwiilu kishī na nfudilo, amo (namu) sunga ngifi takefubula hehi, sunga nkēshi kakulwisha kianka.

Luka 16:25

Anka Abalahama bakwile’shi: A mwana, tentekyesha bibotambwile bintu biobe bibuwa mu kihindji kia muwa wobe, na Lasalasa namu batambwile bintu bi-bubi: anka binobino e basambibwa, n’obe bokala malwa.

Bena Ngalatea 5:6

Mwanda mu Kidisitu Yesu sunga kisale takī mwesha kintu, sunga takwi kisale, ooo, anka lukuluhilo alukitshisha ha mwanda wa kifulo.

Luka 16:2

Biabia bamwitanyina bamulungwile’shi: Uno mwanda wi na minyi unahusha ha mwanda wobe, ndubwile mifubo ya bu mendaku bobe, mwanda tokwiuka kwikala bu mendaku dimo.

Luka 10:39

Badi na mukwabo mukashi atemunwa bu Madiya, badi mushale namu ku ngwā ya Yesu, badi ahusha mwanda we.

Luka 11:1

Bitabibakitshine, habadi atekye mu kihindji kikampanda, habahwile, umune a bana-be-ba-bukishi bamwambile’shi: A Nfumu, etulambukishe kuteka bu bibalambukishe Yoano bana be ba bukishi.

Yoano 6:27

Tanufubilanga bidibwa abinyanga, anka ku bia kwikala mpa na ku muwa wa ikala-ika; abikenuha Mwan’a Muntu, mwanda E batudilwe kitundwilo kwi Yaiya Efile Mukulu na mwinyi.

Yoano 11:1

Kubadi muntu badi akumbu, eshina die bu Lasalasa, Mwina Betani, kibalo kia Madia na mukwabo Mata.

Yoano 11:19

Bena Yudea be bungi babadi bafikye kwi Mata na Madia, mu kwibasamba ha mwanda wa mukwabo.

Yoano 12:3

Henyihaha Madia bātshile kihindji kia kilo kia mwimu wa mahembwe wi mūlo wi bukoho wimoo, bashingile ku ngwa ya Yesu nao, bahampule ngwa ye na nyene ye; na nshibo yihaule ndā n’eshiko dia mwimu.