Kibafumulwe 8:7 - KILOMBENO KIHYA KIA NFUMWETU YESU KIDISITU

⁷ Mwikeilu a kwibedi bōmbele, biabia kubalondele mpeshi a kasangu, na kālo bisangakane na mase, bibedibwe hano hashi: biabia kihindji kia kasatu kia mitshi kibatatshishwe kālo, na lubishi loso lubatatshishwe namu.

Kibafumulwe 8:7 Referans Kwoze

Kibafumulwe 9:4

Abeyikamikile’shi: Tanulwishanga lubishi lwa ha nsenga, sunga nkingi kintu kibishi, sunga mutshi; anka (baba) bantu bashī na kitundwilo ki’Efile Mukulu ha mahala’bo.

Kibafumulwe 9:18

Ku bino bisatu nyi kubehayilwe kihindji kia kasatu kia bantu, ku kālo, na ku mwishi, na ku soufre bibatukile mu kanwa mwa’yo.

Kibafumulwe 9:15

Biabia bamwikeilu bananka abahoswelwe, abadi balumbudibwe kala ha mwanda wa nguba, n’efuku, na mweshi, na kihwa’shi, bayihe kihindji kia kasatu kia bantu.

Kibafumulwe 16:21

Na mabwe akata a kasangu a mpeshi, (ebwe dioso) bushito bwa’dio bu kilogramme makumi ananka na yibidi, anafiki mwiilu kuhona ha bantu; na bantu banaka kee Efile Mukulu ha mwanda wa kihuha kia mabwe a mpeshi, mwanda kihuha kiao nkikilekile bukata.

Kibafumulwe 16:2

Mwikeilu a kwibedi bayile, bahongolwele kihulu kie ha nsenga; biabia kubafikile elonda ditote bi moo ha bantu babadi na kitundwilo kia nyama-e-bukyelo, na he’ba abalangwila kihwandjikisho kie.

Kibafumulwe 12:4

Mukila we ubakakile kihindji kia kasatu kia nyenyenyi ya mwiilu, beyiele ha nsenga; biabia kinyoka bemene ku mpala kwa mwana-mukashi badi takyebe kutanda, mwanda wa kudia mwana ha kutandwa.

Kibafumulwe 6:8

Natadile, namona nfalasa mutokolokye; n’eshina dia yawa badi mutentame hanka dibadi Lufu, na Kalunganyembo kabadi akalondo ku nyima kwe. Kubebahelwe namu matalwa hanundu ha luhese lwa kananka lwa bahanohansenga kwilwika ku luhete lwa ngoshi, na ku kihuha kia nsala, na ku kihuha kia lufu, na ku nyama yi bukyelo ya hanohansenga.

I Petelo 1:24

Mwanda biambidi bioso bi bu lubishi, na ntumbo y’abio yi bu tulongo twa lubishi. Lubishi alūmā, na tulongo twa’lo twakukuka;

Yakoba 1:11

Mwanda nguba bakāmine na kibobo kie akishikā, kibaumishe lubishi, na tulongo twa’lo tubafumbile, na kushālama kwa’to kubalwikile: anka biabia na mpeta namu, akashimina mu nyikashi ye.

Kibafumulwe 7:1

Ku nyima kwa yino myanda, namwene bamwikeilu bananka mbemane ha mahaka ananka a hanohansenga, bakwate mpahi yinanka ya hano hashi’shi, luhahi taluhukanga ha nsenga, sunga mpa mema, su mpa mitshi.