Kibafumulwe 8:5 - KILOMBENO KIHYA KIA NFUMWETU YESU KIDISITU

⁵ Biabia mwikeilu bātshile elonga dia kālo, bediushishe na kālo ka ku kitala, bedisumbwile hano ha nsenga; kubadi mayi, na mikungulu, na mahenyi a mpeshi, na kutenkakana kwa nsenga.

Kibafumulwe 8:5 Referans Kwoze

Kibafumulwe 11:19

Na ntempelo y’Efile Mukulu yi mwiilu yibashitwilwe; na mu ntempelo ye mubamwenwe musheto wa kilombeno kie; kubadi mahenyi a mpeshi, na mayi, na mikungulu, na kutenkatenka kwa nsenga, na mpeshi yikata ya mabwe.

Kibafumulwe 4:5

Mubatukile mu luhun’a nsulu kuhenyahenya kwa mpeshi, na mikungulu, na mayi; ku mpala kwa luhun’a nsulu bimunyi bia kālo musambobidi bibadi abitembe, abio nyi m’Bikudi musambobidi bi’Efile-Mukulu.

Bikitshino 16:26

Biabia kahindji n’āka kubahulumukile kutenkaka na kukata kwa nsenga, biabia bibangilo bia nshibo ya lukano bibatenkakene; kahindji n’aka bibi bibashitukile, na nkano ya boso yibahulumukile.

Kibafumulwe 11:13

Ha yaya nsa kubadi kutenkatenka kwa nsenga, na kihindji ki’ekumi kia kibalo kibahōne; na mu kutenkatenka kwa nsenga mubehayibwe bantu binunu musambobidi; n’abo babashele abakwetwe na moo, batumbisha Efile Mukulu a mwiilu.

Kibafumulwe 6:12

Natadile habalamwine kiukilo kia kasamombo, tala, kubadi kutenkatenka kukata kwa nsenga; na nguba bālulukile ta difita fututū bwikutu di bwaa, na mweshi ubālulukile bu mase;

Bikitshino 4:31

Henyihaha habādi abatekye Efile Mukula, amwa mwābadi bakumbene hamune mubasushile, boso bwabo abadi baule ndā na Kikudi-E-Sele-lee, abakwile mwanda w’Efile Mukulu na kunyinga kushī na moo.

Luka 12:49

Nyi mufikye kwela kālo hanohansenga, nankyebe’shi, kekale hwile kutemba?

Mateo 24:7

Mwanda mīlo na mīlo ayiketukena ngoshi, na mafumu na mafumu. Akukekala minanga, na bihuha bia masungu, na nsenga ayikatenkatenka mu bihindji na bihindji.

Kibafumulwe 8:3

Mungi mwikeilu bafikile aimana ku kitala kia bitahilo, badi n’elonga dia kilonda kia nsahabu dia kālo; badi muhebwe bukula bwa mahembwe ebungi’shi; ebutentekye na nteko ya bahatulwe-bekishila boso ha kitala kia kilonda kia nsahabu, kibadi ku mpala kwa luhun’a nsulu.