Kibafumulwe 7:15 - KILOMBENO KIHYA KIA NFUMWETU YESU KIDISITU

¹⁵ Binyibiabia nyi biabadi ku mpala kwa luhun’a nsulu lw’Efile Mukulu; abamufubila kanya na bufuku mu kibombelelo kie ki munda; na yawa ashala ha luhun’a nsulu akabombela munkatshi mwabo.

Kibafumulwe 7:15 Referans Kwoze

Kibafumulwe 22:3

Takukekala muloa dimonyi, ooo; anka luhun’a-nsulu lw’Efile Mukulu na lwa Mwan’a-Mukoko alukekala mwanka, na bahika be banakamufubile.

Ii Bena Kodinda 6:16

Na ntempelo y’Efile Mukulu na mankishi kilombeno nkia kinyi? Mwand’atwe twi ntempelo y’Efile Mukulu a muwa; anka mwakibakwidilwe’shi: Nankabombela munda mwabo, nakutembela mwanka, n’ami nankekala Efile Mukulu abo; abo namu abakekala bantu bande.

Bena Bahebelu 12:2

twikyebulei kwi Yesu, kimankinda na mukumbashi a lukumino, winyi e ha mwanda wa kusehela kubatudilwe ku mpala kwe, bañyinamene (ku) nkulusu, basabulwile būfu, tadi mushale ku mboko yibalume ya luhun’a nsulu lw’Efile Mukulu.

Yoano 1:14

Biabia winyi Mwanda ubalulukile taudi bu muntu, abombela munkatshi mwetu, (twabandjila ntumbo ye, ntumbo yinyi bu ya mwan’eleka kwi nshye,) muule bu muntu na biabinyibinyi.

Kibafumulwe 22:5

Takukela bufuku dimonyi, ooo, ta be na lukalo lwa kimunyi, sunga etata dia nguba; mwanda Yehowa Efile Mukulu anakebahe etata, n’abo banakabikale mpaa na kwikala-ika.

Kibafumulwe 11:19

Na ntempelo y’Efile Mukulu yi mwiilu yibashitwilwe; na mu ntempelo ye mubamwenwe musheto wa kilombeno kie; kubadi mahenyi a mpeshi, na mayi, na mikungulu, na kutenkatenka kwa nsenga, na mpeshi yikata ya mabwe.

Kibafumulwe 7:9

Ku nyima kwa yino myanda namwene, kibumbu kikata kishyakiuku kubadikwa na muntu, kia ku mīlo yoso, na ku bifuko bioso, na ku bantu boso, na ku ndjimi yoso, bemane ku mpala kwa luhun’a nsulu na ku mpala kwa Mwan’a Mukoko, bafwadikwe na mitwelo yitoka, na malala a mabo mu maas’abo:

Kibafumulwe 4:4

Na mpun’a nsulu makumi abidinayinanka (yibadi) yifunyi lwinyi luhun’a nsulu, na ha mpun’a nsulu (namwene) bakulu makumi abidi na bananka bashale hanka, bafwale bilamba bitoka; na ha mitwe yabo habadi bilongo bia bushindji bia kilonda kia nsahabu.

Bena Bahebelu 8:1

Biabia kihatulwilo kiatubākwile (kino nyi) kikumbesho; Atwe twi na tshiite-mwakwidi-mukata e biabia, tahwile kushala ku mboko yibalume ya luhun’a-nsulu lwa winyi mukilekile kinemo e mwiilu;

I Bena Kodinda 3:16

Tanwibeuke’shi, nwi bu ntempelo yishidikwe y’Efile Mukulu, Kikudi-E-Selelee namu abombela munda mwenu?

Kibafumulwe 20:10

Na kafilefile, winyi bebōngwele, belelwe mwishiba dia kālo na soufre, mwi nyama-e-bukyelo na mutemuki a madimi; banakamweshibwe mitanyo kanya na bufuku, mpaa na kwikala-ika.

Kibafumulwe 4:8

Na nyama ya muwa yinanka yibadi na mbaba yisamombo, (yibadi) yiule meso (ebungi) kwifunya na munda; n’ayo tayikishā kanya na bufuku, ayo’shi: Muhatulwe-Ekishila (nyi) Yehowa Efile Mukulu Shabukome-boso, e badi kala, e kwanka binobino, n’e anakafikye.

Kibafumulwe 4:9

Ahakatumbishā’ya nyama ya muwa na kunemeka, na kutumbula’wa mushale ha luhun’a nsulu, e winyi e na muwa wa ikala-ika,

Kibafumulwe 13:6

Bāsamine mukanwa mwe kukaa Efile Mukulu, kukaaeshina die, na kibombelelo kie, (nyi) mbaba babombele mwiilu.

Kibafumulwe 21:22

Nkimwimumone ntempelo; mwanda Yehowa Efile Mukulu Shabukomeboso, na Mwan’a-Mukoko nyi ntempelo ya’kio.