Ku nyima kwa yino myanda namwene, kibumbu kikata kishyakiuku kubadikwa na muntu, kia ku mīlo yoso, na ku bifuko bioso, na ku bantu boso, na ku ndjimi yoso, bemane ku mpala kwa luhun’a nsulu na ku mpala kwa Mwan’a Mukoko, bafwadikwe na mitwelo yitoka, na malala a mabo mu maas’abo:
(biabia) bakulu makumi abidi na bananka abahone hashi ku mpala kwa yawa badi mushale ha luhun’a nsulu, na kumulangwil’e na muwa wa ikala-ika, na kwela bilongo bia bushindji bwabo ku mpala kwa luhun’a nsulu’shi:
Biabia namwene, nahusha eyi dia bamwikeilu bebungi babadi befunye luhun’a nsulu na nyama ya muwa, na bakulu; na bungi bwabo bubadi binunu ekumi bifwimishe misusa binunu ekumi, nabinunubia binunu.
Henyihaha umune a ku bakulu bambile’shi: Todilanga, Ntambwe nku kisaka kia Yuda, Mushi wa Dafidi, bakambile kubūla mukanda na kulamuna biukilo biao musambobidi.
Binyibiabia Yesu belele musase mu Ntempelo, mubadi mulambukisha’shi: Anunyiuku, anwiuku namu kunafikile: nkimwifwile anka bantumine nga binyibinyi, E tanumwiuku.
Petelo habamwene biabia, bālulwile kwi bantu’shi: Anwe Bena Isalele, a nkinyi kianukanya kino? A nkinyi namu kianwitubandjila mbu kwamba’shi, tubatambusha uno muntu ku bukome bwetu bu na mwinyi, su ku bwin’Efile Mukulu bwetu?