Kibafumulwe 7:12 - KILOMBENO KIHYA KIA NFUMWETU YESU KIDISITU

¹² bambanga’shi: Amena: Mwabi, na ntumbo, na binangu, na kutumbula, na kinemo, na bukome, na ntshishiba bikale kw’Efile Mukulu etu mpaa na kwikala-ika. Amena.

Kibafumulwe 7:12 Referans Kwoze

Yuda 1:25

kw’Efile Mukulu umune buhenka bwe, Muhashi etu mu Yesu Kidisitu Nfumwetu, (kwikale) ntumbo, bukilekile, butontshi, na matalwa kwibedi kwa mbangilo, na binobino mpaa na kwikala-ika. Amena.

Kibafumulwe 19:4

Biabia bakulu makumi abidi na bananka na nyama ya muwa yinanka bibahone hashi, tabalangwile Efile Mukulu mushale ha luhun’a nsulu’shi: Amena, Aleluya!

Bena Kolose 3:17

Bioso bianukitshi su mwīsambo su mu bikitshino, nukite bioso mwishina dia Nfumwetu Yesu, na kutumbula Efile Mukulu Yaiya hadi e.

Bena Kolose 2:7

nushikye mishi na kukūla mwadi e, na kukankamena mu lukumino, anka mwanubalambukishwe na kukishakisha kufwima mwanka na lutumbu.

Ii Bena Kodinda 4:15

Mwanda bintu bioso mbia ha mwanda wenu’shi, bu-muntu mbufwimi abukakishakisha mpaa na ku ntumbo y’Efile Mukulu ha mwanda wa lutumbu lwa bebungi.

Mateo 6:13

Twetufishanga mu kutompibwa, anka etumañune ku bubi: Mwanda bufumu nyi mbobe, na katshintshi, na ntumbo, mpaa na kwikalaīka. Amena.

Kibafumulwe 1:18

Nyi yawa atala, nadi mufwe; na talanga, tandji na muwa wa ikala-ika, Amena. Nyi na nfungulo ya kalunganyembo na ya lufu.

Bena Loma 11:36

Mwanda bintu biosobioso bianka ha mwanda we, kabidi bianka hadi e, n’anka kwadi e. Kwadi e kwanka ntumbo yikale mafuku oso ikala-ika. Amena.

I Bena Kodinda 14:16

Hangi namu h’okelwa mwabi na kikudi, yawa shī na kalolo akakumina’shi: Amena ku lutumbu lobe, mwanda tashingula kiōkula?