Kibafumulwe 6:6 - KILOMBENO KIHYA KIA NFUMWETU YESU KIDISITU

⁶ Nahushishe bwīyi dia munkatshi mwa nyama ya muwa yinanka, adiamba’shi: Kihimo kiangano ku lufalanga lwa ndenadi lumune, na bihimo bisatu bia d’orge ku lufalanga lwa ndenadi lumune. Tolwishanga mwimu na nfinyo.

Kibafumulwe 6:6 Referans Kwoze

Kibafumulwe 9:4

Abeyikamikile’shi: Tanulwishanga lubishi lwa ha nsenga, sunga nkingi kintu kibishi, sunga mutshi; anka (baba) bantu bashī na kitundwilo ki’Efile Mukulu ha mahala’bo.

Kibafumulwe 4:6

Ku mpala kwa luhun’a nsulu (kubadi) bwishiba di mbadibadi dia kelobe; munkatshi mwa luhun’a nsulu namu na kwifunya kwa’lo (mubadi) nyamaya muwa yinanka, yiule na meso ku mpala na ku nyima.

Kibafumulwe 7:3

Tanumweshanga nsenga malwa, sunga mema-a-kalunga, sunga mitshi, mpaa na hatuhu kutula kitundwilo ha mpalahabafubi b’Efile Mukulu.

Mateo 24:7

Mwanda mīlo na mīlo ayiketukena ngoshi, na mafumu na mafumu. Akukekala minanga, na bihuha bia masungu, na nsenga ayikatenkatenka mu bihindji na bihindji.

Kibafumulwe 4:8

Na nyama ya muwa yinanka yibadi na mbaba yisamombo, (yibadi) yiule meso (ebungi) kwifunya na munda; n’ayo tayikishā kanya na bufuku, ayo’shi: Muhatulwe-Ekishila (nyi) Yehowa Efile Mukulu Shabukome-boso, e badi kala, e kwanka binobino, n’e anakafikye.